M Yaj Tuam
M Yaj Tuam
M Thoj Qhua-Xab
Nyob zoo rau peb ib tsoom ntseeg hmoob sawv daws,
Ntawm no kuv yog niam Ntsuab Xwm Yaj/ Joanne Yang, kuv muaj lus zoo siab los hais qhia rau nej paub txog kuv pab neeg ua hauj lwm hauv lub aumônerie hmoob fab Kis teb. Kuv thov qhia rau peb cov ntseeg paub txog kuv tus kheej tias kuv yog ib tug niam tsev muaj 5 tug me nyuam. Kuv tau los txais txoj hauj lwm hauv lub aumônerie no yeeb vim kuv xav tias yuav yog ib txoj hauv kev pab rau kuv nkag siab zoo dua txog ntawm kev ntseeg. Kuv paub meej tias kuv yuav tau kawm tiag kuv thiaj li yuav paub mus txuas lus nrog rau cov leej choj los mus rau cov txiv tswv qhia thiab cov coj kev ntseeg, los rau nej txhua leej txhua tus. Kuv pab neeg uas txaus siab los nrog kuv tuav lub aumônerie no ntxiv mus lawm yav tom ntej, yog ib cov niam tsev muaj dej num ua muaj me tub me nyuam. Lawv kuj xav txhawb lawv txoj kev ntseeg kom loj hlob tuaj, li no lawv thiaj li txaus siab muab lawv lub sij hawm los pab kuv. Thov nej sawv daws zam lub txheej pub rau peb cov niam tsev vim peb tseem yuav los xyaum zuj zus mus thiab thov nej ua lub siab ntev pub rau peb, muab lo lus txhawb siab pub rau peb. Txawm li cas los kom sawv daws ua siab loj vim yeej muaj txiv plig Jean-Paul ua tus coj peb thiab muaj 2 tug txwj laus uas yog Xaiv Tsom Yaj/ Paul Cho Yang thiab Qhua Xab Thoj los pab peb.
Txuas ntxiv no mus kuv thov kom peb tsev neeg hmoob sawv daws tsuas muaj ntsib kev noj qab haus huv nyob rau lub xyoo tshiab 2023, kom lub xyoo tshiab nthuav txoj kev ntshiab dawb huv pub rau peb txhua tus huv tib si.
Tshaj tawm rau peb ib tsoom ntseeg sawv daws paub tias THOJ Tsuj Vws yug hnub tim 01 / 07 / 1937 nyob Huab Xais Nplog teb, tau tas sim neej rau hnub tim 16 / 01 /2023 nyob lub zos Orléans. Nws muaj li 85 xyoo.
Tsev xyom cuab yuav npaj nws lub pag lub xau rau lub week-end 28 / 01 / 2023 rau 29 / 01 / 2023 tuaj no:
Ferme de la Sauvagère
Lieu-dit la Sauvagère
45510 Vienne en Val
Samedi 28 Janvier 2023
10H00 : Tos txais tus qauv
15H30 : Pib kab ke xa plig
Dimanche 29 Janvier 2023
11:00 : Caij teev ntuj
14H30 : Teev saw Mab Liab
Lundi 30 Janvier 2023
10H00 : Teev ntuj hauv tsev teev ntuj Saint Jean Bosco rau tus qauv
140 Rue de l’Argonne
45000 Orléans
11H30 : coj tus qauv mus sam sab rau tim lub Grand cimetière d’Orléans
1 Boulevard Lamartine
45000 Orléans
Tshaj tawm rau peb ib tsoom ntseeg sawv daws paub tias Yaj Lug ( niam Nchaiv-Kob) yug hnub tim 05 / 04 / 1932 nyob Luang Prabang hauv los tsuas teb, tau tas sim neej rau hnub tim 28 / 12 /2022 nyob lub zos Servon sur Vilaine 35 327. Nws muaj li 90 xyoo.
Tsev xyom cuab yuav npaj nws lub pag lub xau nyob rau lub chav tsev :
Sanctuaire
La Peinière
35 220 Saint-Didier
Samedi 31 / 12 / 2022
Dimanche 01 / 01 / 2023
Lundi 02 / 01 / 2023
Muaj dab tsis noog tau rau :
Peb ib tsoom ntseeg pab thov ntuj rau tsev xyom cuab thiab rau niam Nchaiv-Kob tus ntsuj plig.
Lub caij COVID-19 no, nws tsev neeg yuav npaj cov ntaub npog ntsej muag thiab cov tshuaj ntxuav tes rau cov neeg yuav tuaj nrog lawv hlub lawv niam.
Tshaj tawm hnub/publié le 26/12/2022
Lub 12 hli xyoo 2021 mas, Txiv Plig Nyiaj Pov yug tau los muaj 100 xyoo (1921-2021), ces tus Xib Hwb Philippe Chanson, yog Txiv Plig Nyiaj Pov ib tus phooj ywg, tau sau phau ntawv « Yves Bertrais, La passion Hmong » qhia txog Txiv Plig Nyiaj Pov lub neej pab peb cov Hmoob. Lub 12 hli ntuj xyoo 2022, lub koom tsev « Académie des Sciences d’Outre-Mer » tau muab paj tshab thiab kooj meej zoo (prestigieux « Prix Louis Marin ») rau tus Xib Hwb Philippe Chanson thiab phau ntawv « Yves Bertrais, La passion Hmong ».
Tus Xib Hwb Philippe Chanson thiab nws poj Niam nyob teb chaws Suisse tau tuaj txais qhov paj tshab nyob Fab Kis Teb thiab tau tuaj ntsib peb cov Hmoob hnub 17 lub 12 hli xyoo 2022. Peb zoo siab txais nws, tau nrog nws tham thiab noj ib pluas mov ua ke. Cov tau nws phau ntawv thiab xav kom nws sau ib lo lus rau hauv phau ntawv los, thov nws, nws yeej kam sau.
« Yves Bertrais, La passion Hmong » récompensé par le prestigieux « »Prix Louis Marin de l’Académie des Sciences d’Outre-mer »
En décembre 2021, était paru aux Editions KARTHALA le livre « Yves Bertrais, La passion Hmong » pour marquer le 100e anniversaire de TP Nyiaj Pov (1921-2021), œuvre littéraire écrite par son ami le pasteur Philippe Chanson. En décembre 2022 : le livre vient d’être récompensé par le prestigieux « Prix Louis Marin de l’Académie des Sciences d’Outre-mer ».
Le pasteur Philippe Chanson est venu avec son épouse de Suisse pour recevoir son prix et a eu la gentillesse de nous accorder un temps de rencontre, spécialement pour les Hmong de France, le samedi 17 décembre 2022 de 18h30 à 22h00 avant de repartir. A cette occasion, nous avons pu échanger librement avec lui et lui demander de dédicacer son livre.
« Philippe Chanson, théologien et Dr en anthropologie, est membre du Laboratoire d’anthropologie prospective (Laap) de l’Université de Louvain et collabore aux cours et séminaires Regards sur l’Interculturalité de Genève. Ses recherches et publications couvrent particulier les Antilles-Guyane où il a vécu et enseigné. C’est en Guyane qu’il a côtoyé les Hmong et rencontré Yves Bertrais. Outre les questions d’identité et de métissages, il travaille celles des transversalités entre différentes aires culturelles et religieuses. » (extrait du livre)
Tso cov duab
Tshaj tawm rau peb ib tsoom ntseeg sawv daws paub tias Yaj Anirudeth tau tas sim neej lawm. yug hnub 07 / 01 / 1976 nyob Noom Kais nyob rau thaib teb tau tas sim neej hnub 11 / 12 / 2022 lawm. Nws muaj 46 xyoo.
Tsev xyom cuab yuav npaj nws lub pag lub xau rau hnub 19 lub 12 hlis 2022
Témoignage : SHIRYU’S PAIN – SAINT SEIYA
HYMNE : LUX AETERNA ( Lumière éternelle)
Lux aeterna luceat eis Domine:
Peb ib tsoom ntseeg pab thov ntuj rau tsev xyom cuab thiab rau Yaj Anirudeth tus ntsuj plig.
Peb muab cov zaj nyeem ntawm lub site AELF.ORG fab kis los rau peb co ntseeg kom peb paub tias hnub chiv no peb yuav mloog Tswv Ntuj cov lus qhuab qhia
Zaj nyeem 1 :
Xas Muas : Tshooj : 5 Nqe : 1 – 3
Lub ntsiab lus : Tsa Das Vis ua vaj. Nws mus nyob Yes Lus Xas Les.
1 Cov xeem His Xas Lais tib si tuaj uag Das Vis nyob Hes Nploos. Lawv hais rau nws tias : « Peb nrog koj koom ib co pob txha ib ce nqaij.
2 Yav thaud, Xas Ws ua vaj, twb yog koj coj His Xas Lais mus los. HUAB TAIS tau hais rau koj tias : koj yuav coj kuv tsoom pej xeem His Xas Lais mus nog zaub. Koj yuav ua His Xas Lais tus tswv. »
3 Tsoom txwj laus His Xas Lais thiaj tuaj cuag Das Vis nyob Hes Nploos. Tus vaj Das Vis nrog lawv cog lus nyob Hes Nploos, nyob ntawm Tswv Ntuj xub ntiag. Lawv pleev roj tsa Das Vis ua vaj His Xas Lais.
Yog Tswv Ntuj Lo Lus. Nws Lub Txiaj Ntsim
Zaj nyeem 2 :
Kos Los Xais : Tshooj : 1 Nqe : 12 – 20
Lub ntsiab lus : Paj Lug ua Ntuj tsaug. Leej Pleev yog tus ntaus thawj.
12 Ua li mas, nej yuav zoo siab ua nej Txiv tsaug, vim nej Txiv hu nej los nrog nws cov ntshiab koom txais ib txog hmoov nyob hauv qhov pom kev.
13 Huab Tais Leej Txiv rho peb ntawm lub Ceeb Tsheej tsaus ntuj los. Nws coj peb los nyob hauv nws Leej Tub lub Ceeb Tsheej.
14 Nyob hauv Leej Tub, peb tau txoj kev cawm, thiab txoj kev zam txhaum.
15 Yes Xus yog tus Tswv Ntuj uas qhov muag pom tsis tau tus duab. Nws yog tus xub yug ntawm txhua tsav txhua yam uas Ntuj tsim los.
16 Nyob hauv Leej Pleev, Ntuj tsim txhua yam nyob saum ntuj thiab nyob ntiaj teb no, tsim txhua yam pom tau thiab pom tsis tau, tsim txhua tus Tshiab zaum saum theej kiab, thiab txhua tus Tshiab ua
Huab Tais, ua Vaj Txheeb, thiab muaj hwj huam. Ntuj tsim tas puas tsav yam nyob hauv Leej Pleev, kom lawv tsob hwb Leej Pleev.
17 Leej Pleev xub nyob dua txhua tsav txhua yam. Tas puas tsav yam muaj txoj sia nyob hauv Leej Pleev.
18 Leej PLeev yog lub Taub Hau nyob saum lub Cev : lub Cev yog lub Koom Txoos. Leej Pleev yog lub Hauv Paus, nws yog tus xub yug hauv cov tub tuag los.
19 Tswv Ntuj muab txhua yam uas zoo tshaj, coj los nyob hauv Leej Pleev.
20 Nyob hauv Leej Pleev, Tswv Ntuj xyiv fab hlo rov nrog tas txhua tsav txhua yam sib haum xeeb. Vim Leej Pleev, mas txhua tsav txhua yam nyob ntiaj teb thiab nyob saum ntuj rov tau nyob thaj yeeb
hauv Leej Pleev cov ntshav uas ntws saum ntoo cuam.
Yog Tswv Ntuj Lo Lus. Nws Lub Txiaj Ntsim
Ntawv moo zoo :
Lus Kas : Tshooj : 23 Nqe : 35 – 43
Lub ntsiab lus : Yes Xus nyob saum ntoo cuam lawv thuam nws.
35 Tsoom pej xeem sawv ntsug ntawd ntsia. Cov thawj coj hnyos Yes Xus, lawv hais tias : »Nws cawm tau luag tej. Yog tias nws yog Tswv Ntuj Leej Pleev thiab tus Xaiv tiag, kom nws rov cawm nws mas ! »
36 Cov tub rog kuj thuam Yes Xus. Lawv txav los, lawv cev ib co dej qaub rau Yes Xus.
37 Lawv hais tias : « Saib koj yog cov Yus Das tus vaj no, koj cia li cawm koj mas ! »
38 Tseem muaj ib co npe ntawv sau nyob siab me ntsis saum Yes Xus taub hau, hais tias : « Tus no yog cov Yus Das tus Vaj. »
39 Ob tug neeg phem dai saum ntoo cuam, muaj ib tug tsawm Yes Xus tias : « Koj tsis yog Leej Pleev lod ? Koj rov cawm koj, thiab cawm wb mas. »
40 Tab sis lwm tus qhib ncauj hais lus, nws cem tias : « Koj tseem tsis ntshai Tswv Ntuj lod ? Koj twb raug tib lub txim zoo li nws thiab !
41 Wb mas, wb lub txim yog txoj kev ncaj, vim wb tau ua tej yam tsim nyog raug txim. Hos nws tsis tau ua dab tsi phem li. »
42 Ces nws hais tias : « Yes Xus, thaum koj mus txog hauv koj lub Ceeb Tsheej, thov koj nco txog kuv. »
43 Ces Yes Xus hais rau nws tias : « Kuv hais tseeb rau koj : Hnub no, koj yuav nrog kuv nyob hauv lub Nras Lom Zem. »
Huab Tais Pleev. Lub qab ntuj neeg cav txog koj
Peb muab cov zaj nyeem ntawm lub site AELF.ORG fab kis los rau peb co ntseeg kom peb paub tias hnub chiv no peb yuav mloog Tswv Ntuj cov lus qhuab qhia
Zaj nyeem 1 :
Mas Las Kis : Tshooj : 3 Nqe : 19 – 20
Lub ntsiab lus : Txog Huab Tais lub hnub nyoog, Huab Tais yuav xa kev cawm neeg tuaj.
19 Vim nyem no Huab Tais lub Hnub Nyoog tawm tuaj ntaiv cuag li ib lub qhov txog, mas cov neeg siab phem yuav zoo li ib co quav nyab. Lub Hnub Nyoog uas tuaj yuav txog ntawd, yuav hlawv lawv tas huv tib si, kom tsis txhob tshuav ib tug kav los ib tug cag.
20 Tab sis nej cov uas hwm kuv lub npe, thaum lub Hnub Pub Kev Ncaj yuav ci tuaj, mas nws yuav xa txoj kev ncaj tuaj rau nej. Nws cov sab hnub yuav coj kev cawm neeg tuaj rau nej. »
Yog Tswv Ntuj Lo Lus. Nws Lub Txiaj Ntsim
Zaj nyeem 2 :
Tes Xas Los Nis : Tshooj : 3 Nqe : 7 – 12
Lub ntsiab lus : Txhob nyob dag.
7 Vim nej paub zoo tias, nej yuav yoog peb li cas. Thaum peb nyob tim nej, peb tsis tau coj lub neej tsis haum txoj cai.
8 Peb tsis tau kom leej twg pub mov rau peb noj dawb : peb tau ua hauj lwm nruab hnub hmo ntuj ; peb tau khwv iab khwv daw, vim peb tsis xav ua ib lub nra hnyav rau nej leej twg ris.
9 Tsis yog vim peb tsis muaj cai kom nej saib peb hnyav, tab sis, yog vim peb xav muab ib tug piv txwv rau nej yoog.
10 Thaum peb tseem nyob ze nej, peb kuj tau tsa ib txog cai tias, yog muaj ib tug neeg tsis kam ua hauj lwm, mas nws tsis txhob noj mov thiab.
11 Tiam sis nyem no, peb hnov tias, nyob tim nej muaj tej tus coj lub neej tsis haum txoj cai ntawd, lawv tsis ua hauj lwm dab tsi li, lawv tsuas xav kov tas puas tsav yam.
12 Peb thov ntuas cov neeg ntawd nyob hauv Huab Tais Yes Xus Pleev kom lawv ua hauj lwm thiab nyob twj ywm, thiab kom lawv noj cov mov uas lawv tau khwv ua.
Yog Tswv Ntuj Lo Lus. Nws Lub Txiaj Ntsim
Ntawv moo zoo :
Lus Kas : Tshooj : 21 Nqe : 5 – 19
Lub ntsiab lus : Lub Tuam Tsev Teev Ntuj yuav raug xwv txheej. Ntau hom xwv txheej yuav tshwm sim.
5 Thaum ntawd, ib txhia hais tias lub Tuam Tsev Teev Ntuj txhim tau pob zeb zoo nkauj rau thiab muaj paj tshab txi Ntuj zoo saib. Yes Xus hais tias :
6 « Tej uas nej qhov muag ntsia ntawm no, muaj ib hnub luag yuav rhuav tsis tseg ob lub pob zeb txhim sib tshooj sawv ntsug. »
7 Lawv nug Yes Xus tias : « Xib Hwb, thaum twg tej ntawd mam li tshwm sim tuaj, thiab yuav muaj lub cim
dab tsi thaum tej ntawd yuav tshwm sim tuaj ?”
8 Yes Xus hais tias : « Nej ceev faj txhob cia luag ua kom nej yuam kev. Vim yuav muaj coob leej siv kuv lub npe tuaj, lawv yuav hais tias : ‘Yog kuv’, thiab yuav hais tias : ‘Lub zim txwv twb los txog ze ze lawm’. Mas nej txhob mus raws lawv.
9 Thaum nej hnov luag tham txog kev tsov rog thiab kev kub ntxhov, mas nej tsis txhob ntshai. Vim tias tej ntawd yuav tsum tshwm sim tuaj tso, tab sis tsis tau txog lub zim txwv kawg tam sis ntawd. »
10 Yes Xus hais rau lawv tias : « Ib haiv neeg yuav sawv los ntaus lwm haiv neeg, ib lub teb chaws yuav sawv los ntaus lwm lub teb chaws.
11 Lub ntiaj teb yuav qeeg heev kawg. Nyob rau ntau qhov chaw yuav muaj mob aws, thiab muaj kev
tshaib. Yuav muaj tej yam xwm txaus ntshai kawg, thiab tej lub cim loj nyob saum ntuj.
12 Tab sis ua ntej ib puas tsav yam ntawd, luag yuav cev tes ntes nej, luag yuav hiam nej, luag yuav coj nej mus kom rau cov tsev txoos thiab tsev loj faj. Luag yuav coj nej mus rau ntawm cov vaj thiab cov nom tswj teb chaws xub ntiag vim kuv lub npe.
13 Tej ntawd yuav pub ib lub zoo sij hawm rau nej ua tim khawv.
14 Nej khaws rau nruab siab tias nej yuav tsis txhob npaj ib co lus teb kom txuag tau nej.
15 Vim kuv yuav muab ib co lus thiab ib txog kev thoob tsib rau nej, ces cov ntxub nej yuav tsis muaj ib tug teb tau thiab cav tau nej cov lus.
16 Tab yog nej niam nej txiv, nej cov kwv tij, cov txheeb ze, thiab cov phooj ywg, los lawv tseem yuav mus kom nej. Luag yuav muab nej ib txhia tua.
17 Luag yuav ntxub nej vim kuv lub npe.
18 Tab sis tsis muaj ib txoj plaub hau saum nej taub hau yuav ploj.
19 Nej ua siab ruaj kom tom thawj, ces nej yuav cawm nej txoj sia. »
Huab Tais Pleev. Lub qab ntuj neeg cav txog koj
Peb muab cov zaj nyeem ntawm lub site AELF.ORG fab kis los rau peb co ntseeg kom peb paub tias hnub chiv no peb yuav mloog Tswv Ntuj cov lus qhuab qhia
Zaj nyeem 1 :
Mas Kas Npes : Tshooj : 7 Nqe : 1 – 2 + 9 – 14
Lub ntsiab lus : Xya leej kwv tij tuaj yeem nrog lawv niam tuag.
1 Tus Vaj As Nthias Kus ntes tau xya leej kwv tij nrog lawv niam. Tus vaj yuam lawv kom lawv noj nqaij
npuas uas lawv Txoj Cai txwv tsis pub noj. Nws kom xuas pas thiab xuas leeg nyuj plawm lawv.
2 Ib tug tub txawm sawv xya leej kwv tij thiab lawv niam chaw hais rau tus vaj tias : « Koj xav paub saib peb xav li cas. Mas peb yeem tuag zoo dua qhov hla peb cov yawg koob Txoj Cai. »
9 Thaum nws yuav tuag, nws hais tias : « Ib tug neeg siab phem li koj, koj tsis pub peb ua neej nyob. Tab sis tus vaj kav lub ntiaj teb yuav tsa peb sawv rov los kom peb tau ib lub neej tsis txawj kawg, rau qhov peb tuag vim nws Txoj Cai. »
10 Tus ob no tuag tas, lawv coj tus peb los. Lawv kom nws hlev nplaig, ces nws hlev nplaig tam sim ntawd thiab nws xyab nws ob txhais caj npab tam sim rau lawv.
11 Nws tseem muaj cuab kav hais tias : » Kuv txais kuv ob txhais tes no ntawm Ntuj los, vim nws tej kev cai mas kuv ntxub kuv ob txhais tes. Kuv tso siab tias nws yuav rov muab kuv ob txhais tes no rau kuv. »
12 Tus vaj thiab nws cov neeg sawv daws ceeb tas tias vim li cas tus tub hluas ntawd yuav muaj lub siab loj kawg. Nws saib nws qhov txom nyem zoo li tsis muaj nqis dab tsi.
13 Nws txoj sia tu lawm, lawv kuj coj tus plaub los ua phem li ntawd rau thiab.
14 Thaum tus plaub yuav tuag, nws hais tias : « Kuv yeem tuag nyob hauv neeg txhais tes. Kuv tso siab tias Tswv Ntuj yuav tsa kuv ciaj rov los. Ntawm koj, mas koj yuav tsis tau ciaj rov los muaj txoj sia. »
Yog Tswv Ntuj Lo Lus. Nws Lub Txiaj Ntsim
Zaj nyeem 2 :
Tes Xas Los Nis : Tshooj : 2 Nqe : 16 – 3,5
Lub ntsiab lus : Ntuas kom lawv nyob ruaj nreb.
16 Thov kom peb tus Huab Tais Yes Xus Pleev, thiab peb Txiv Tswv Ntuj nkawd nplij nej siab. Tswv Ntuj yog tus hlub peb, nws pub kev nplij mus li, thiab pub kev tso siab lom zem.
17 Thov kom nkawd nplij nej lub siab thiab nres nej tej hauj lwm, thiab nej tej lus huv tib si kom khov kho.
1 Kwv tij sawv daws, nej thov Ntuj rau peb thiab mog ! Nej thov kom Huab Tais Lo Lus mus taug nws txoj
kev ntxiv, thiab kom Lo Lus nto koob meej ntxiv, ib yam li Lo Lus tau nto koob meej nyob hauv nej.
2 Nej thov Ntuj, kom peb dim ntawm cov neeg siab phem yuam kev : vim Ntuj tsis pub kev ntseeg
rau sawv daws.
3 Tiam sis Huab Tais pheej xeeb : nws yuav nres nej kom ruaj nreb, nws yuav txuag nej ntawm tus phem.
4 Nyob hauv Huab Tais, peb tso siab rau nej kawg. Txhua yam peb qhia, mas nej ua raws, thiab nej yuav ua ntxiv mus.
5 Kuv thov kom Huab Tais coj nej lub siab, mus txog Tswv Ntuj txoj kev nyiam thiab txog Leej Pleev txoj kev ruaj nreb.
Yog Tswv Ntuj Lo Lus. Nws Lub Txiaj Ntsim
Ntawv moo zoo :
Lus Kas : Tshooj : 20 Nqe : 27 – 38
Lub ntsiab lus : Cov tuag yuav sawv rov los.
27 Muaj ob peb tug Xas Dus Kais txav los, lawv yog cov uas hais tias neeg tuag tsis muaj kev sawv rov los.
28 Lawv nug Yes Xus tias : « Mais Xes sau cia rau peb tias : Yog leej twg tus kwv tij tuag lawm, tseg poj niam cia tsis tau muaj me nyuam li, mas tus kwv yuav tsum qaws tus poj ntsuam kom tsa tau tus kwv tij uas tuag lawd lub keeb sawv.
29 Muaj xya leej kwv tij. Thawj tug yuav poj niam, nws tuag tsis tau muaj tub ki.
30 Tus ob kuj tuag ib yam li ntawd.
31 Tus peb qaws tus poj niam. Tas lawv xya leej puav leej tuag tsis muaj tub ki li.
32 Thaum kawg, tus poj niam kuj tuag lawm thiab.
33 Ua li mas lub zim txwv neeg tuag yuav sawv rov los, tus poj niam ntawd yuav yog tus twg poj niam ? Vim lawv xya leej tau yuav nws ua poj niam. »
34 Yes Xus thiaj hais rau lawv tias : « Cov tub ki hauv lub qab ntuj no sib qaws ua txij ua nkawm.
35 Tab sis cov uas Ntuj txiav tias lawv tsim nyog txais ib feem nyob fab lwm tiam, thiab tsim nyog
sawv hauv cov tuag rov los, mas lawv tsis yuav poj niam thiab tsis yuav txiv.
36 Rau qhov lawv yuav tsis txawj tuag ntxiv. Lawv nrog cov Tshiab sib txig. Lawv yog Tswv Ntuj cov tub, vim lawv yog kev sawv rov los cov tub.
37 Hais txog cov tuag sawv rov los, Mais Xes twb qhia txog qhov ntawd nyob hauv zaj hais txog Tsob Pos, thaum nws hu Huab Tais ua Has Nplas Has tus Tswv Ntuj, His Xas Has tus Tswv Ntuj, Yas Kos tus Tswv Ntuj.
38 Ua li mas Tswv Ntuj tsis yog cov tuag tus Tswv Ntuj, yog cov neeg ciaj tus Tswv Ntuj. Tas sawv daws muaj txoj sia kom tau hwm Tswv Ntuj. »
Huab Tais Pleev. Lub qab ntuj neeg cav txog koj
Los nyeem zaj no :
Lus Kas : Tshooj : 20 Nqe : 27. 34 – 38
Lub ntsiab lus : Cov tuag yuav sawv rov los.
27 Muaj ob peb tug Xas Dus Kais txav los, lawv yog cov uas hais tias neeg tuag tsis muaj kev sawv rov los.
34 Yes Xus thiaj hais rau lawv tias : « Cov tub ki hauv lub qab ntuj no sib qaws ua txij ua nkawm.
35 Tab sis cov uas Ntuj txiav tias lawv tsim nyog txais ib feem nyob fab lwm tiam, thiab tsim nyog sawv hauv cov tuag rov los, mas lawv tsis yuav poj niam thiab tsis yuav txiv.
36 Rau qhov lawv yuav tsis txawj tuag ntxiv. Lawv nrog cov Tshiab sib txig. Lawv yog Tswv Ntuj cov tub, vim lawv yog kev sawv rov los cov tub.
37 Hais txog cov tuag sawv rov los, Mais Xes twb qhia txog qhov ntawd nyob hauv zaj hais txog Tsob Pos, thaum nws hu Huab Tais ua Has Nplas Has tus Tswv Ntuj, His Xas Has tus Tswv Ntuj, Yas Kos tus Tswv Ntuj.
38 Ua li mas Tswv Ntuj tsis yog cov tuag tus Tswv Ntuj, yog cov neeg ciaj tus Tswv Ntuj. Tas sawv daws muaj txoj sia kom tau hwm Tswv Ntuj. »
Huab Tais Pleev. Lub qab ntuj neeg cav txog koj