Heureux les pauvres de cœur

Par les yeux de Dieu

L’humilité de ton cœur resplendira.

Par les yeux de Dieu

La chaîne de ton cœur se déliera.

Par les yeux de Dieu

La paix en ton cœur unique viendra.

Par les yeux de Dieu

Le repos en ton cœur l’habitera.

  Joanne YANG

Auteur

Vous trouverez ci-dessous ce qui a été publié par l'auteur que vous avez sélectionné

Author Archive by Aumônerie catholique Hmong de France

Xov xwm qhia txog lub tsev teev ntuj tsa nyob Los Tsuas Teb nco txog THOJ Xyooj Paj Lug lub txiaj ntsim (sau hnub 20 lub 9 hli 2021)

Par Aumônerie catholique Hmong de France

Lub tsev sib sau nyob ib sab ntawm lub tsev teev ntuj ua tiav lawm. Tsoom ntseeg nyob Ban Nam Yarm tau sib sau ua ke, zoo siab koom ua thawj thaj txi ntuj hauv lub tsev sib sau. Txij no mus, cov ntseeg yuav teev ntuj hauv lub tsev sib sau ntawd kom txog hnub tsa lub tsev teev ntuj tiav. Nyob hauv cov duab tawm tshiab no, muaj ib lo lus zoo siab pom hais tias tsoom ntseeg muaj txoj kev nquag thiab txoj kev ntseeg loj heev. Lub hli yuav tuaj no, txiv tswv qhia Txwj Choo THOJ (Mgr Tito Banchong) yuav mus phais qhov muag nyob lub nroog Vientiane. Mus kho tas, ua ntej nws los tsev, nws kuj yuav mus xyuas lub tsev teev ntuj thiab. Lub Aumônerie ua tsaug ntau rau cov uas tau pab nyiaj los koom tes yav tas los, thiab hais tawm tias yog leej twg xav pab no los, sau ntawv rau qhov chaw lawv qab no : aumonerie.hmong.france@gmail.com.

Nouvelles de l’avancée des travaux de la chapelle du Bienheureux THOJ Xyooj Paul au Laos (mise à jour le 20/09/2021)

Le bâtiment abritant la salle de « rassemblement » à côté de la chapelle est terminé et une toute première messe a été célébrée dans cette salle de « rassemblement ». Désormais les messes vont pouvoir se dérouler dans ce local provisoire jusqu’à ce que la chapelle soit entièrement terminée. La ferveur des fidèles venus assister à la messe est très perceptible sur les dernières photos. Au cours du mois à venir, Mgr Tito Banchong va se rendre à la capitale Vientiane pour se faire opérer de la cataracte et à son retour, il se rendra sur place pour visiter la chapelle. L’Aumônerie remercie celles et ceux qui ont contribué aux dons et comme mentionné dans les précédentes publications, rappelle qu’il est toujours possible de participer en s’adressant par mail à l’adresse aumonerie.hmong.france@gmail.com.

Hnub chiv 24 ntawm lub caij nruab xyoo. Xyoo B

Par Aumônerie catholique Hmong de France

Peb muab cov zaj nyeem ntawm lub site AELF.ORG fab kis los rau peb cov ntseeg kom peb paub tias hnub chiv no peb yuav mloog Tswv Ntuj cov lus qhuab qhia

Zaj nyeem 1 :

His Xais : Tshooj : 50 Nqe : 5 – 9a

Lub ntsiab lus : Tus Yaj Saub cav txog Tswv Ntuj tus tub txib uas yog Yes Xus. Peb kuj yuav xyaum ua Tswv Ntuj cov tub txib tshiab.

5 HUAB TAIS Tswv Ntuj qhib kuv pob ntseg, mas kuv tsis npau taws, kuv tsis yig, kuv tsis thaub qab.

6 Lawv ntaus kuv, mas kuv tig kuv nraub qaum rau lawv ntaus. Lawv xav rho kuv cov hwj txwv, mas kuv tig kuv sab plhu
rau lawv. Lawv xav ib tawg ncuav rau kuv thiab xav nto qaub ncaug rau kuv ntsej muag, los kuv tsis fee plhu rau lawv.

7 Tab sis HUAB TAIS Tswv Ntuj tsom kwm kuv, vim qhov ntawd mas kuv tsis poob ntsej muag. Ces kuv ua kuv ntsej muag tawv li pob zeb. Kuv paub tias kuv yuav tsis raug kev txaj muag.

8 Tus pom tias kuv siab ncaj, nws nyob ze kuv, leej twg yuav txiav txim tau tias kuv muaj txhaum ? Kom peb ua ke tuaj
ntawm lub rooj txiav txim mas ! Leej twg yog tus tau mus kom kuv rau cov nom txiav txim ? Kom nws kaj tsij txav los
cuag kuv saib !

9 Ntsia saib ! HUAB TAIS Tswv Ntuj tsom kwm kuv ! Leej twg yuav txiav txim rau kuv tau ? Muaj tseeb ! Sawv daws yuav txawj ntshaus xws li ib ce tsoos uas kab yaim. Lawv lub cev yuav liam txwv tas. »

Yog Tswv Ntuj Lo Lus. Nws Lub Txiaj Ntsim

Zaj nyeem 2 :

Yas Kos : Tshooj : 2 Nqe : 14 – 18

Lub ntsiab lus : Tus ntseeg txog Tswv Ntuj tiag nws ua cov hauj lwm nyiam luag tej, vim Tswv Ntuj qhia kom sib nyiam sib hlub.

14 Kuv cov kwv tij, thaum ib tug tsis ua cov hauj lwm, yog nws hais tias : “Kuv lub siab ntseeg”, mas nws txoj kev ntseeg
muaj qab hau dab tsi ? Lub siab ntseeg puas cawm tau nws ?

15 Thaum ib tug kwv, los ib tug muam, tsis muaj dab tsi hnav, thiab tsis muaj mov txaus noj txwm hnub,

16 yog nej ib tug hais rau lawv tias: “Nej mus nyob kaj siab lug mog ! Nej mus nte taws sov so, nej noj tsau npo
mog !” Tab sis nej tsis tau pub dab tsi pab lawv lub cev, mas nej lo lus muaj qab hau dab tsi ?

17 Hais txog txoj kev ntseeg, kuj zoo li ntawd. Yog kev ntseeg tsis muaj cov hauj lwm pab luag, mas kev ntseeg tuag lawm.

18 Qee tus hais tias : “Koj muaj lub siab ntseeg, hos kuv muaj cov hauj lwm zoo.” Yuav teb rau nws tias : “Koj muab koj
lub siab ntseeg tsis ua cov hauj lwm rau kuv pom, ces kuv yuav muab kuv lub siab ntseeg cov hauj lwm rau koj pom.”

Yog Tswv Ntuj Lo Lus. Nws Lub Txiaj Ntsim

Ntawv moo zoo :

Mas Kos : Tshooj : 8 Nqe : 27 – 35

Lub ntsiab lus : Yes Xus ib txhij yog tus Huab Tais Pleev, thiab yog Tswv Ntuj tus Tub txib raug luag hiam, Yes Xus cov thwj tim kuj ib txhij txais Yes Xus lub hwj chim thiab nws txoj kev txom nyem.

27 Yes Xus nrog nws cov thwj tim mus rau cov zos nyob cheeb tsam ntawm Xes Ntxas Les Fis Lis Pos. Thaum lawv mus
kev, Yes Xus nug cov thwj tim li no : « Luag tej hais tias kuv yog leej twg ? »

28 Cov thwj tim teb tias : « Ib txhia hais tias koj yog Zam Ntxuav Plig, ib txhia hais tias koj yog Es Lias, hos ib txhia hais tias koj yog ib tug hauv cov yaj saub. »

29 Yes Xus nug lawv tias : « Hos nej, mas nej hais tias kuv yog leej twg ? » Pob Zeb teb rau Yes Xus tias :
« Koj yog Leej Pleev. »

30 Ces Yes Xus txwv lawv nruj kom txhob hais txog nws rau leej twg li.

31 Yes Xus pib qhia cov thwj tim hais tias : « Neeg Leej Tub yuav tsum raug txom nyem loj. Cov txwj laus, cov thawj leej
choj thiab cov thoob xwm yuav muab nws xyeeb pov tseg ; luag yuav muab nws tua. Peb hnub tom qab, nws yuav sawv rov los.

32 Yes Xus qhia tej ntawd tshab plaws. Pob Zeb rub Yes Xus los ntawm nws, ces Pob Zeb nroo rau Yes Xus.

33 Tab sis Yes Xus tig ntsia cov thwj tim, nws cem Pob Zeb hnyav ncawv tias : « Xas Tas, koj lawv kuv qab ! Vim cov lus
koj xav tsis yog Tswv Ntuj cov lus, yog neeg cov lus xwb ! » Kev ua Yes Xus thwj tim.

34 Yes Xus hu tsoom sid thiab cov thwj tim los, nws hais rau lawv tias : « Yog leej twg xav los raws kuv, nws yuav
tsum nrauj nws, nws yuav kwv nws tus ntoo cuam, nws yuav lawv kuv qab.

35 Vim leej twg xav cawm nws txoj sia, mas nws yuav plam nws txoj sia. Hos leej twg plam nws txoj sia vim kuv thiab vim lub Moo Zoo, mas nws cawm nws txoj sia

Huab Tais Pleev. Lub qab ntuj neeg cav txog koj.

Xov xwm qhia txog lub tsev teev ntuj tsa nyob Los Tsuas Teb nco txog THOJ Xyooj Paj Lug lub txiaj ntsim (sau hnub 11 lub 9 hli 2021)

Par Aumônerie catholique Hmong de France

Tom qab tus Tswv Qhia Louis Marie Ling Mangkhanekhoun tuaj xyuas lub tsev teev ntuj tas, cov tub txib hauj lwm pib tsa cov phab ntsa thiab tsa lub tsev yau txais neeg nyob ib sab ntawm lub tsev teev ntuj. Ua tsaug ntau rau cov tau pab nyiaj txiag los koom tes tsa lub tsev teev ntuj. Yog leej twg xav noog los xav pab, nej xa xov nug los sau ntawv rau : aumonerie.hmong.france@gmail.com

Yog xav paub txog THOJ Xyooj thawj tug tim khawv Hmoob uas tau txais lub meej mom ntshiab nyeem tom qab no : http://www.aumoneriehmong.com/hm/2021/08/20/thoj-xyooj-paj-lug-thawj-tug-tim-khawv-hmoob-uas-tau-txais-lub-meej-mom-ntshiab/

Nouvelles de l’avancée des travaux de la chapelle du Bienheureux THOJ Xyooj Paul (mise à jour le 11/09/2021)

Les travaux de construction au Laos avancent bien et la chapelle prend sa forme définitive. Après la visite du Cardinal Louis-Marie Ling Mangkhanekhoun, il a été demandé aux ouvriers d’aller de l’avant et de commencer à ériger les murs ainsi que le local de rassemblement à côté de la chapelle. L’Aumônerie transmet ses remerciements à toutes celles et ceux qui ont contribué au projet et rappelle qu’il est toujours possible de soutenir la construction en adressant un mail à aumonerie.hmong.france@gmail.com.

Pour en savoir un peu plus sur la vie du bienheureux THOJ Xyooj Paul cliquer sur le lien suivant : http://www.aumoneriehmong.com/2021/08/20/thoj-xyooj-paul-bienheureux-martyr-de-la-foi-au-laos/. Ci-dessous des nouvelles photos de la chapelle.

Hnub chiv 23 ntawm lub caij nruab xyoo. Xyoo B

Par Aumônerie catholique Hmong de France

Peb muab cov zaj nyeem ntawm lub site AELF.ORG fab kis los rau peb cov ntseeg kom peb paub tias hnub chiv no peb yuav mloog Tswv Ntuj cov lus qhuab qhia

Zaj nyeem 1 :

His Xais : Tshooj : 35 Nqe : 4 – 7

Lub ntsiab lus : Tus Yaj Saub xub hais rau cov His Xas Lais nyob txim nyob Npas Npis Los tias tsis ntev lawv yuav rov tau zoo.

4 Nej hais rau cov siab muag tias : « Nej ua siab loj ! Nej txhob ntshai ! Ntsia saib ! Nej tus Tswv Ntuj nyob ntawm no ! »
Kev rob caub tab tom tuaj, Tswv Ntuj cov txim pauj neeg cov txhaum tuaj cawm peb.

5 Ces cov dig muag ob lub qhov muag rov rua hlo, cov pob ntseg lag yuav qhib plho.

6 Tus neeg ceg tawv dhia nrawm xws li tus muas lwj. Tus nplaig txhav qw tej suab zoo siab. Vim ib co dej txhawv
hauv cov teb chaws suab puam los, tej tus dej ntws hla cov teb chaws maj sab.

7 Thaj av kub ntaiv yuav hloov ua pas dej. Lub teb chaws tuag dej yuav txhawv tej tus kaus dej txaws txua tawm los.
Thaj chaw uas hma ua zes nyob, yuav hloov ua tiaj tauj thiab tiaj ncaug zom ntawv

Yog Tswv Ntuj Lo Lus. Nws Lub Txiaj Ntsim

Zaj nyeem 2 :

Yas Kos : Tshooj : 2 Nqe : 1 – 5

Lub ntsiab lus : Lub Koom Txoos yuav ceev faj kom txhob saib cov neeg muaj zoo dua cov neeg pluag.

1 Kwv tij, nej yog ib co neeg ntseeg txog peb tus Huab Tais Yes Xus Pleev muaj hwj chim, mas nej txhob saib
tias muaj tej tus neeg loj tej tus neeg me.

2 Yog tias thaum sawv daws tuaj ua lub Txoos, muaj ib tug chaws los hauv tsev, tus ntawd coj nplhaib kub, hnav tsoos
tsho zoo nkauj ; hos muaj dua lwm tus kuj chaws los thiab, tus no yog neeg pluag, nws cov ris tsho qias neeg.

3 Nej tig ntsia tus hnav tsoos zoo nkauj, ces nej hais rau nws tias : “Koj mus zaum ntawm lub chaw zoo !”
Hos nej hais rau tus pluag tias : “Koj sawv ntsug mog !” los hais tias : “Koj zaum hauv no, ntawm kuv lub tog
tiag taw mog !”

4 Yog nej ua li ntawd, mas puas yog nej saib tias neeg tsis muaj nqis ib yam ? Nej tsis ua ib yam nkaus li ib co nom txiav txim siab nkhaus thiab lod ?

5 Kwv tij zoo nyiad, nej mloog mog ! Tswv Ntuj tsis tau xaiv cov neeg uas lub qab ntuj neeg saib lawv pluag, kom los ua
ib co neeg nplua nuj nyob hauv txoj kev ntseeg lod ? Tswv Ntuj tsis tau xaiv lawv los ua cov txais lub Ceeb Tsheej ua lawv lub cuab tam, raws li nws cog lus rau cov neeg nyiam nws lod ?

Yog Tswv Ntuj Lo Lus. Nws Lub Txiaj Ntsim

Ntawv moo zoo :

Mas Kos : Tshooj : 7 Nqe : 31 – 37

Lub ntsiab lus : Cov neeg pom Yes Xus ua hwj huam yees ntxwv lawv zais tsis tau. Peb puas txawj pom tias niaj hnub Yes Xus ua hwj huam yees ntxwv nyob hauv peb nruab siab ? Yog peb pom, peb yuav xav cav txog Yes Xus.

31 Yes Xus tso Tws Los teb tseg, nws taug txoj kev hla Xis Doos mus rau dej ntuj Nkas Lis Lais, uas nyob hauv xeev
Des Kas Pos Lis.

32 Luag coj ib tug neeg lag ntseg, hais lus txhav qhi, tuaj rau Yes Xus. Lawv thov kom Yes Xus tsa tes
rau saum nws.

33 Yes Xus coj nws tawm ntawm tsoom sid mus rau ib cag, Yes Xus muab nws ntiv tes ntxig rau tus lag ntseg ob lub qhov ntsej, nws muab aub ncaug pleev tus neeg ntawd tus nplaig.

34 Yes Xus tsa muag ntsia saum ntuj, nws xyu ib suab, nws hais rau tus lag ntseg tias : « Es fas tas, » txhais tias : « Koj qhib los. »

35 Tus lag ntseg ob lub qhov ntsej qhib hlo, hos cov hlua khi nws tus nplaig kuj plam plaws tam sim ntawd, ces nws hais lus meej. 36 Yes Xus txwv tsis pub lawv hais qhov ntawd rau leej twg li. Tab sis Yes Xus yim txwv, lawv yim tshaj.

37 Qhov ntawd raug lawv siab tshaj txhua yam, ces lawv hais tias : « Nws ua tau ib puas tsav yam zoo : nws ua kom cov lag ntseg hnov lus, thiab ua kom cov nplaig txhav hais lus tau. »

Huab Tais Pleev. Lub qab ntuj neeg cav txog koj.

Hnub chiv 22 ntawm lub caij nruab xyoo. Xyoo B

Par Aumônerie catholique Hmong de France

Peb muab cov zaj nyeem ntawm lub site AELF.ORG fab kis los rau peb cov ntseeg kom peb paub tias hnub chiv no peb yuav mloog Tswv Ntuj cov lus qhuab qhia

Zaj nyeem 1 :

Phau 5: Tshooj : 4 Nqe : 1- 2 ; 6 -8

Lub ntsiab lus : Yog tsoom neeg ntseeg mloog Tswv Ntuj cpv mis qjoa ùas mawv yuav yog ib co neeg thoob tsib dua cov.

1 « Cov His Xas Lais, zaum no nej mloog txoj cai lij choj, thiab tej kab lis kev cai uas kuv qhia nej hnub no, kom nej coj raws nraim txoj cai ntawd. Ces nej yuav muaj txoj sia, thiab nej yuav tau mus nyob hauv lub teb chaws uas nej cov
yawg koob tus HUAB TAIS Tswv Ntuj muab rau nej nyob, kom nej tau txais los ua nej tug.

2 Nej yuav tsis txhob ntxiv ib lo lus rau qhov kuv qhia nej ua, tsis txhob tso ib lo lus pov tseg. Nej yuav khaws nej tus HUAB TAIS Tswv Ntuj cov lus qhuab qhia raws nraim li kuv ceeb toom rau nej.

6 Nej yuav mloog, yuav coj raws nraim cov lus qhia ntawd, nej thiaj yuav ua,neeg thoob tsib, ua neeg ntse nyob
ntawm cov pej kum neeg xub ntiag. Thaum lawv hnov hais txog txoj cai no,lawv yuav tsa suab hlo hais tias : Tsuas
muaj ib haiv neeg xwb thiaj thoob tsib thiab ntse, yog haiv neeg loj ntawd ! »

7 Haiv neeg twg thiaj muaj ib tug Huab Tais nyob ze lawv li peb tus HUAB TAIS Tswv Ntuj nyob ze peb niaj zaus peb hu
txog nws ?

8 Haiv neeg twg thiaj muaj ib txog cai lij choj thiab ib co kab lis kev cai ncaj npaum li Txoj Cai uas kuv muab
cev rau nej hnub no ? »

Yog Tswv Ntuj Lo Lus. Nws Lub Txiaj Ntsim

Zaj nyeem 2 :

Yas Kos : Tshooj : 1 Nqe : 17- 18; 21b – 22; 27

Lub ntsiab lus: Tswv Ntuj cpv lus uas peb txais nyob hauv peb cov Txoos Teev Ntuj, peb yuav khaws tseg thiab nco ntsoov mus li nyob hauv peb tej hauj lawm.

17 cov txiaj ntsim zoo thiab cov paj tshab tsis muaj chaw xyeej, yog tuaj saum ntuj tuaj tas huv si, yog Leej
Txiv, uas nws ua kom txhua yam pom kev, tso nqes los tas huv tib si. Nyob hauv nws, tsis muaj ib yam txawj hloov,
los txawj puas.

18 Leej Txiv pom zoo hais ib lo lus tseeb yug peb, kom peb ua thawj cov txiv txi hauv txhua yam uas nws tsim los. Nej
qhib ib lub siab zoo txais Tswv Ntuj Lo Lus uas nws muab cog rau hauv nej. Lo Lus ntawd yuav cawm nej tus plig.

22 Nej coj Lo Lus mus ua neej. Nej txhob cia li mloog Lo Lus xwb, nej txhob rov dag nej. 23 Tus neeg uas mloog Lo
Lus tab sis tsis ua raws, mas nws zoo li ib tug neeg ntsia lub ntsej muag uas Ntuj tsim rau nws, hauv ib daim tsom iav,

24 nws ntsia ib muag, nws cia li mus, tsis nco qab tias nws lub ntsej muag zoo li cas.

25 Tiam sis tus muab siab rau kawm ib txog cai kom nto ntsis, mas txoj cai pub kev ywj pheej rau nws, ces nws nyob
nraim hauv txoj cai ntawd, nws tsis ua ib tug neeg mloog tas nrho xwb, twb hnov qab lawm : nws yog ib tug neeg tuav txoj cai, mas nws tau nyob kaj siab, vim nws ua raws txoj cai.

26 Yog muaj ib tug xav tias nws hwm Ntuj, tiam sis nws tsis cheem nws lub ncauj, mas nws rov dag rau nws xwb :
nws txoj kev hwm Ntuj tsis tsim ib qho dab tsi zoo.

27 Txoj kev hwm Ntuj huv tsis lo ib yam qias, uas nyob ze ntawm peb Txiv Tswv Ntuj yog txoj no : yog mus xyuas cov me nyuam ntsuag thiab cov poj ntsuam uas raug kev tu siab, yog txuag yus lub siab kom txhob tsuas ib teev qias, yog nyob deb lub qab ntuj neeg.

Yog Tswv Ntuj Lo Lus. Nws Lub Txiaj Ntsim

Ntawv moo zoo :

Mas Kos : Tshooj : 7 Nqe : 1 – 8; 14 – 15; 21 – 23

Lub ntsiab lus : Thaum peb teev dab, peb yuav tsum caiv ub caiv no kom txhob muaj txhaum? Nyem no, peb ntseeg txog Yes Xus nws tsuas xav kom peb coj lub siab ntshiab.

1 Cov Fas Lis Xais thiab tus puav Kws Ntawv Ntshiab tuaj Yes Lus Xas Les tuaj, lawv sib sau ntsauv Yes Xus.

2 Lawv pom tus puav thwj tim xuas tes tsis huv noj mov, yam li lawv tsis xub ntxuav tes,

3 vim tias cov Fas Lis Xais, thiab tas cov Yus Das huv tib si, mas lawv tsis noj mov yog lawv tsis xub
ntxuav tes zoo zoo tso.

4 Thaum lawv mus kav kiab kav khw rov los, yog lawv tsis tau xub pov dej rau tso, mas lawv tsis noj mov. Tseem muaj ntau yam uas cov Yus Das ua raws li tej laus qhia kom ua : ntxuav khob, ntxuav hub, thiab ntxuav tais tooj dag.

5 Vim li ntawd, cov Fas Lis Xais thiab cov kws Ntawv Ntshiab thiaj nug Yes Xus tias : « Ua cas koj cov thwj tim tsis ua raws li tej laus kev cai ib txwm qhia kom ua, lawv cia li xuas tes tsis huv noj mov ? »

6 Yes Xus hais rau lawv tias : « Neeg zoo sab nraud, His Xais hais raug nej kawg, Ntawv thiaj sau tseg tias : Haiv neeg no tsuas hwm kuv saum di ncauj, lawv lub siab nyob deb kuv.

7 Lawv lam teev kuv dag, lawv muab neeg tej kab ke los nthuav xws li yog Ntuj lus qhia !

8 « Nej tso Tswv Ntuj lo lus qhia tseg, nej muab nej khi rau neeg tej kev cai. »

14 Yes Xus rov hu tsoom sid los ntawm nws, ces nws hais rau lawv tias : « Tas nej sawv daws, nej mloog kuv kom
nej to taub mog !

15 Tsis muaj dab tsi nyob sab nraum neeg lub cev, uas nkag rau hauv neeg, yuav ua kom neeg tsis huv.
Yam ua kom neeg tsis huv yog yam tawm hauv neeg los.

21 Vim tej yam phem uas txhawv hauv neeg nruab siab los yog : kev ua dev ua npua, ua tub sab, tua neeg,

22 deev luag txij nkawm, cuaj khaum, lim hiam, ua cuav, ntxias luag ua plees ua yi, khib, xyav luag moo, muab hlob, ywj fab ywj fwj.

23 Txhua hom kev phem no tawm sab hauv los, mas thiaj ua kom neeg tsis huv. »

Huab Tais Pleev. Lub qab ntuj neeg cav txog koj.

THOJ Xyooj Paj Lug – Thawj tug tim khawv Hmoob uas tau txais lub MEEJ MOM NTSHIAB

Par Aumônerie catholique Hmong de France

Sau hnub 20 lub 8 hli 2021

Prière d’intercession au Bienheureux THOJ Xyooj Paul

Jésus Sauveur, THOJ Xyooj Paul a vécu sa courte existence au service de l’Evangile et de ses frères Hmong. Son bref cheminement de catéchiste l’a conduit au sacrifice suprême de sa vie, donnée pour avoir voulu sauver celle du missionnaire qu’il accompagnait. Que la lumière de son témoignage, resplendisse dans l’Eglise du Laos et dans toute la communauté chrétienne Hmong dans le monde, surtout dans le cœur de beaucoup de jeunes. Par son intercession, accorde-nous, Seigneur, la grâce, que nous te demandons en toute confiance. Amen

Cov lus piav me ntsis hauv qab no yog muab los ntawm cov ntawv uas tus Txiv Plig Jacques Roland tau sau piav txog THOJ Xyooj Paj Lug lub neej thaum lub Koom Txoos Kas Tos Liv muab lub meej mom ntshiab rau nws.

Yog xav nyeem phau ntawv sau lus Fab Kis, nyem nram qab no : https://nominis.cef.fr/contenus/ThojXyooj.pdf. Hos yog xav nyeem phau ntawv muab txhais ua lus Hmoob , nyem nram qab no : https://www.aumoneriehmong.com/wp-content/uploads/2021/08/Livret-THOJ-Xyooj-HMOOB.pdf

THOJ Xyooj Paj Lug yog ib tug tub hluas Hmoob nrog cov Txiv Plig mus kho mob thiab qhia Ntuj kev cai rau cov Hmoob nyob Los Tsuas Teb. Nws thiab tus Txiv Plig Txhiaj Tshaj (Père Mario Borzaga) nkawd tau tas sim neej xyoo 1960. THOJ Xyooj Paj Lug yog thawj tug hmoob tau txais lub meej mom ntshiab. Lub Koom Txoos Kas Tos Liv nco txog nws lub txiaj ntsim txhua xyoo hnub 25 lub plaub hlis ntuj.

THOJ Xyooj yug nyob Los Tsuas qaum teb xyoo 1941 hauv lub zos hmoob nyob Roob Nyuj Qus, xeev Luang Prabang. Thaum nws tseem me, nws txiv xiam lawm, tshuav nws niam xwb. Nws nrog thawj cov hmoob tau txais Ntuj txoj kev ntseeg. Thaum nws muaj li 16 xyoo, nws mus kawm ntawv nyob Paksane, hauv cov txiv plig lub tsev qhia ntawv thiab qhia Ntuj kev cai. Xyoo 1957, vas thij 8 lub 12 hlis ntuj, nws tau txais lub txim ntxuav plig, thiab txais leej ntshiab Paj Lug lub npe (Paul).

Txij xyoo 1958 mus rau xyoo 1960, nws nrog cov txiv plig mus kho cov neeg mob thiab mus qhia Ntuj kev cai rau cov Hmoob. Lub 4 hli ntuj xyoo 1960, yog zaum kawg uas nws nrog tus Txiv Plig Txhiaj Tshaj mus xyuas cov Hmoob nyob Phuaj Xuab. Thaum nkawd rov los tsev, nkawd ntsib ib pab neeg sawv rog muab nkawd ntes, lawv hais kom Xyooj khiav tiam sis nws tsis kam, vim nws xav cawm Txiv Plig Txhiaj Tshaj. Ces lawv thiaj muab nkawd tua ua ke thiab thawb nkawd cev rau lub qhov hauv ib tug kwj deg. Xyooj tau tas sim neej raws li Yes Xus cov lus nyob hauv Zam ntawv Moo Zoo (Zam 15 :13) hais tias :  « Tsis muaj leej twg muaj txoj kev nyiam loj dua tus uas siv nws txoj sia rau nws cov phooj ywg ». Niaj hnub no tseem nrhiav tsis tau qhov chaw thiab nkawd ob lub cev.

Tom qab no, lub Koom Txoos Kas Tos Liv tau muab nkawd tsa ua neeg muaj txiaj ntsim txais lub Meej Mom Ntshiab.

Xyoo 2018, THOJ Xyooj Paj Lug cov txheeb ze tsim tau lub koom haum LES ENFANTS ET AMIS DE THOJ XYOOJ PAUL. Yog ib lub koom haum sau cia kom lub Koom Txoos paub hais tias muaj neeg tau txais Ntuj cov koob hmoov thaum lawv thov thiab vam txog THOJ Xyooj. Yog nej leej twg xav koom los xav pab, nej sau ntawv rau LES ENFANTS ET AMIS DE THOJ XYOOJ PAUL, 20 rue des Gentianes, 01400 Châtillon-sur-Chalaronne. Nram qab no yog daim ntawv tso cai rau lub koom haum LES ENFANTS ET AMIS DE THOJ XYOOJ PAUL nyob hauv Fab Kis txoj cai lij choj : https://www.journal-officiel.gouv.fr/associations/detail-annonce/associations_b/20180024/10

THOJ Xyooj Paul – Bienheureux martyr de la foi au LAOS

Résumé extrait de la note biographique du Père Jacques ROLAND pour le procès de béatification et dont la traduction a été faite en langue hmong.

Pour accéder à la note biographique en français, cliquer sur le lien suivant https://nominis.cef.fr/contenus/ThojXyooj.pdf et en Hmong sur le lien suivant https://www.aumoneriehmong.com/wp-content/uploads/2021/08/Livret-THOJ-Xyooj-HMOOB.pdf

THOJ Xyooj Paul est un jeune catéchiste de l’ethnie Hmong qui a accompagné les pères missionnaires au Laos et qui est mort en 1960 avec le père italien Mario Borzaga (TP Txhiaj Tshaj) au retour d’une mission d’évangélisation. Il est le premier témoin hmong déclaré bienheureux par l’Eglise Catholique. Sa fête est fixée au 25 avril de chaque année.

THOJ Xyooj est né au Laos en 1941 à Kiukatiam (« Roob nyuj Qus » c’est-à-dire la « Montage des Gaurs ») village hmong de la province de Luang Prabang situé dans les montagnes au nord du pays. Orphelin de père, il fait partie de la première génération de villageois qui embrassa la foi chrétienne et vers l’âge de 16 ans, il partit en formation au Petit séminaire de Paksane où il fut baptisé le dimanche 8 décembre 1957 et reçut le nom de l’apôtre des « Gentils » Paul (Paj Lug).

De 1958 à 1960, il accompagna en tant que catéchiste les pères dans leurs missions d’assistance médicale et d’évangélisation auprès des malades et des villageois des communautés isolées du nord du Laos. C’est au retour d’une de ces missions à la fin du mois d’avril 1960 qu’il fit le sacrifice ultime de sa vie pour tenter de sauver celle du père Mario Borzaga (TP Txhiaj Tshaj). Il témoigna jusqu’au bout sa foi chrétienne comme indiqué dans l’Evangile de St Jean (15:13) : « Il n’y a pas de plus grand amour que de donner sa vie pour ceux qu’on aime ». Leurs corps furent jetés dans un fossé et ne furent jamais retrouvés.

THOJ Xyooj Paul et le P. Mario BORZAGA (TP Txhiaj Tshaj) font partie des 17 martyrs du Laos déclarés bienheureux par l’Eglise Catholique.

En 2018, la famille du bienheureux THOJ Xyooj Paul a créé l’association LES ENFANTS ET AMIS DE THOJ XYOOJ PAUL dont l’un des objectifs est de rassembler les demandes de grâces obtenues par l’intercession de THOJ Xyooj Paul. Son siège social est situé au 20, rue des Gentianes, 01400 Châtillon-sur-Chalaronne.

Toute personne désirant adhérer, apporter un soutien ou une aide financière peut en faire la demande auprès de l’association Les enfants et amis de THOJ Xyooj Paul.

Décret officiel : https://www.journal-officiel.gouv.fr/associations/detail-annonce/associations_b/20180024/10

SOURCES ET BIBLIOGRAPHIE/COV NTAWV SAU HAIS TXOG THOJ XYOOJ THIAB T.P. TXHIAJ TSHAJ

– Postulation générale des Missionnaires Oblats de Marie Immaculée, Rome : Dossiers « Laos », « Mario Borzaga », etc.
– Postulation pour la cause de Mario Borzaga, o.m.i. et Thoj Xyooj, Rome : témoignages, déclarations et documents divers.
– Archives générales des Missionnaires Oblats de Marie Immaculée, Rome : Dossiers « Mario Borzaga », et fonds divers sur la Mission du Laos.
– Archives générales des Missionnaires Oblats de Marie Immaculée, Rome : Jean Subra, o.m.i., Cours de pastorale pratique (dactylographié), [Keng Sadok, Laos], 1959.
– Archives générales des Missionnaires Oblats de Marie Immaculée, Rome : « Codex historicus » di Kiukatiam, Luang Prabang, Na Vang (Ha 52, 55, 60)
Sources publiées
– Lettera agli Amici del Laos (Bulletin de l’Association Amici del Laos), Naples, mars 1959 – septembre 1960.
– M. Borzaga, Diario di un uomo felice [éd. complète, 1956-1960], Trente, Vita Trentina Editrice, 2005.
Bibliographie
– Vincenzo Bordo, o.m.i, Laos, Storia di una Missione (Quaderni di Vermicino), Frascati, 1987.
– Lucia Borzaga, Être un homme heureux : Mario Borzaga, o.m.i. 1932-1960 (Série « Héritage oblat » n° 4), Rome, 1992
– Giuseppe Cellucci, o.m.i. (coord.), P. Mario Borzaga missionario oblato di Maria Immacolata, martire nel Laos : Testimonianze, Roma, MGM, 1995.
– Pierre Chevroulet, o.m.i., Oblats au bord du Mékong, (Série « Héritage oblat » n° 14), Rome, 1998.
– Fabio Ciardi, Il Sogno e la realtà – Mario Borzaga, martire, Milan, Àncora, 2000.
– Gaetano Drago, o.m.i., Un eroe del Laos : dalle lettere del p. Mario Borzaga, O.M.I., Rome, Missioni O.M.I., 1965.
– Nicola Ferrara, o.m.i., Mario Borzaga, O.M.I., Sentinella sugli avamposti, 2006 (à paraître).
– Roland Jacques, o.m.i., Le Père Mario Borzaga, o.m.i. (1932-1960) : Note biographique (manuscrit).
– Antonio Zanoni, o.m.i., Piste senza ritorno : vent’anni tra i Hmong del Laos, Rome, Missioni O.M.I., 1965.
– Antonio Zanoni, o.m.i., Addio, monti del Laos ! Note di vita missionaria nel Laos settentrionale, Francesco Trusso, o.m.i., ed., Naples, Rome, LER, 1986.
– Notiziario Borzaga – Thoj Xyooj (Rome)
– Le catéchiste Thoj Xyooj « Paul » (Thao Shiong, 1941 – 1960), Premier témoin hmong, Note biographique par Roland Jacques, o.m.i

Xov Xwm qhia txog lub tsev teev ntuj tsa nyob Los Tsuas Teb nco txog THOJ Xyooj Paj Lug lub txiaj ntsim thiab ntawm tus Tswv Qhia Louis-Marie Ling Mankhanekhoun tuaj xyuas lub tsev teev ntuj (xov xwm tawm tshiab hnub 17 lub 8 hli 2021)

Par Aumônerie catholique Hmong de France

Nyuam qhuav tsis tau ntev no, tus tswv qhia loj nyob Los Tsuas Teb Louis-Marie Ling Mankhanekhoun tuaj xyuas lub tsev teev ntuj tsa nyob Los Tsuas Teb nco txog THOJ Xyooj Paj Lug lub txiaj ntsim. Nws zoo siab hais tias cov hauj lwm khiav zoo thiab lub tsev teev ntuj ua tau zoo nkauj heev. Nws kuj hais ntxiv tias nws zoo siab txog ntawm txoj kev koom tes thiab txoj kev sib pab.

Txhiaj Vwj YAJ, tus sawv cev ntawm lub koom haum TP Nyiaj Pov Foundation (Fondation Yves Bertrais) nyob USA, uas sau cov nyiaj pab lub tsev teev ntuj tau qhia txog cov nyiaj txiag. Tag nrho cov nyiaj sau tau tshaj 82 000,00$. Cov neeg pab, muaj li ntawm 106 leej nyob hauv peb lub teb chaws (Kas Nas Das – Fab Kis – As Mes Kas) thiab muaj 3 lub koom haum tau pab nyiaj txiag. Tsis tas li, tsoom ntseeg nyob Ban Namyarm Los Tsuas Teb kuj tau pab nyiaj txiag tsa lub tsev teev ntuj thiab.

Lub hauv paus Aumônerie ua tsaug rau cov tau pab nyiaj yav tas los lawm. Yog nej leej twg xav nug los xav pab, nej xa xov nug los sau ntawv rau : aumonerie.hmong.france@gmail.com

Hauv qab no yog cov duab qee tshiab ntawm lub tsev teev ntuj.

Nouvelles de l’avancée des travaux de la Chapelle du Bienheureux THOJ Xyooj Paul au Laos et visite de son Excellence Le Cardinal Louis-Marie Ling Mankhanekhoun (mise à jour du 17 août 2021)

Son Excellence, le Cardinal Louis-Marie Ling Mankhanekhoun a récemment visité la chapelle du bienheureux THOJ Xyooj Paul dont la construction progresse bien. Dans l’ensemble, il est très heureux de l’avancée des travaux, de la beauté de la chapelle, du cadre environnemental ainsi que de la participation des fidèles au projet.

La fondation Yves Bertrais (TP Nyiaj Pov) basée aux USA et qui collecte les fonds, a fait part de l’état des contributions à ce jour. Son président Xia Vue YANG indique un total financier de plus de 82 000,00 $ provenant de 106 donateurs issus de trois pays (Canada-France-USA) et de 3 organisations caritatives. Il est à noter que la communauté locale des fidèles de Ban Namyarm a également contribué financièrement au projet chaque fois que cela a été nécessaire.

L’Aumônerie remercie chaleureusement les personnes qui ont contribué au projet et rappelle que celles et ceux qui désirent apporter un soutien financier à cette construction peuvent envoyer un e-mail à l’adresse suivante : aumonerie.hmong.france@gmail.com. Ci-dessous quelques photos récentes de la chapelle.

  • TP John thiab Xib Fwb Chue Chang nkawd tuaj xyuas lub tsev teev ntuj / Visite du P. John et du catéchiste Chue Chang

Niam Mab Liab nce mus saum ntuj

Par Aumônerie catholique Hmong de France

Peb muab cov zaj nyeem ntawm lub site AELF.ORG fab kis los rau peb cov ntseeg kom peb paub tias hnub chiv no peb yuav mloog Tswv Ntuj cov lus qhuab qhia

Zaj nyeem 1 :

Qhib Yav tom Ntej : Tshooj : 11 Nqe :19a; Tshooj : 12 Nqe : 1 – 6a; 10ab

Lub ntsiab lus : Ob tug tim khhawv

19 Ces Tswv Ntuj lub Tuam Tsev nyob saum ntuj qhib los. Lub Xab Cog Lus hauv Kem Ntshiab tawm los. Muaj xob
laim, muaj ib co suab nrov, xob quaj nroo ntws, lub ntiaj teb qeeg ib zag, thiab lawg poob hlob hlob.

1 Muaj ib lub cim loj tas nrho tshwm nyob saum ntuj : yog ib tug Poj Niam hnav lub hnub. Lub hli nyob hauv nws qab xib taws. Kaum ob lub hnub qub vij nws taub hau.

2 Tus Poj Niam ntawd xeeb tub lawm. Nws ntsaj mob, vim nws tab tom daws cev.

3 Tseem muaj dua ib lub cim tshwm tuaj nyob saum ntuj : ib tug niag Zaj loj kawg, liab ploog cuag hluav taws. Nws muaj xya lub taub hau thiab kaum tus kub. Txhua lub taub hau ntoo ib lub kauj kub.

4 Nws tus ko tw cheb cov hnub qub saum ntuj tas lawm ib feem peb. Nws muab pov los rau hauv ntiaj teb. Tus Zaj sawv ntsug ntawm tus poj niam uas tab tom daws cev xub ntiag, npaj nqos tus me nyuam uas tus poj niam yuav yug.

5 Tus Poj Niam yug tau tus me nyuam, yog ib tug me tub : yog tus yuav tuav ib rab cwj hlau coj tas txhua haiv neeg. Luag nqa tus me nyuam mus rau Tswv Ntuj, nyob ze ntawm Tswv Ntuj lub theej kiab.

6 Hos tus Poj Niam khiav mus nyob hauv teb chaws suab puam : nws mus nyob hauv qhov chaw uas Tswv Ntuj
npaj rau nws, thiaj yuav muaj tus yug mov rau nws ib txhiab ob puas rau caum hnub.

10 Ces kuv hnov ib lub suab nrov saum ntuj tuaj tias : “Zaum no, kev yeej, kev muaj hwj huam, peb tus Tswv Ntuj txoj kev ua Vaj, thiab nws Leej Pleev lub hwj huam los txog lawm. Vim tus niag uas liam rau peb cov kwv tij nruab hnub hmo ntuj, nyob ntawm Tswv Ntuj xub ntiag, nws poob rau puag hauv lawm

Yog Tswv Ntuj Lo Lus. Nws Lub Txiaj Ntsim

Zaj nyeem 2 :

Kos Lis Nthos : Tshooj : 15 Nqe : 20 – 27a

Lub ntsiab lus : muaj kev sawv rov los

20 Tab sis tsis yog zoo li ntawd. Leej Pleev sawv hauv cov tuag rov los lawm tiag. Nyob hauv ib tsoom neeg uas mus
tsaug zog lawm, mas Leej Pleev yog thawj tug uas tau sawv rov los.

21 Tim ib tug neeg, mas txoj kev tuag thiaj li txeem los. Tab sis ib tug neeg rov coj tau txoj kev sawv rov los rau cov
tuag.

22 Sawv daws tuag nyob hauv As Das. Kos Lis Nthos Tsab Ib, Zaj, Tab sis sawv daws yuav ciaj rov los nyob
hauv Leej Pleev.

23 Nyias muaj nyias lub sij hawm sawv rov los : tus xub sawv, yog Leej Pleev, nws yog tus ntaus thawj. Thaum txog Leej Pleev lub Hnub Nyoog tawm rov los, mas Leej Pleev cov neeg yuav sawv rov los.

24 Thaum ntawd yuav yog lub zim txwv kawg : Leej Pleev yuav rhuav cov vaj, cov tswj lub ntiaj teb, thiab cov muaj hwj
huam, ces nws yuav muab lub hwj chim ua vaj cob rov rau Leej Txiv Tswv Ntuj.

25 Leej Pleev yuav ua vaj mus txog lub caij Leej Txiv tso tsoom yeeb ncuab tas tib si rau hauv nws qab xib taws.

26 Tus yeeb ncuab kawg, uas nws yuav rhuav, yog txoj kev tuag.

27 Vim nws tau tas puas tsav yam nyob hauv nws qab xib taws lawm.

Yog Tswv Ntuj Lo Lus. Nws Lub Txiaj Ntsim

Ntawv moo zoo :

Lus Kas : Tshooj : 1 Nqe : 39 – 56

Lub ntsiab lus : Mab Liab mus xyuas Es Lis Xas Npes.

39 Tau ob peb hnub, ces Mab Liab sawv ev mus, nws rau siab ntso mus pem toj siab, rau ib lub nroog nyob xeev Yus Das.

40 Nws chaws mus hauv Ntxas Kas Lias tsev, nws foom lus nyob kaj lug rau Es Lis Xas Npes.

41 Thaum Es Lis Xas Npes hnov Mab Liab foom kev kaj lug, mas nws tus me nyuam dhia hauv nws plab, thiab Leej Ntuj Plig Ntshiab los nyob puv hauv Es Lis Xas Npes.

42 Ces Es Lis Xas Npes tsa suab hlo hais nrov nrov tias : « Koj tau koob tau hmoov tshaj ib tsoom poj niam huv tib si, thiab lub txiv txi hauv koj lub cev tau koob tau hmoov.

43 Ua cas Ntuj thiaj pub kom kuv tus Huab Tais leej niam tuaj xyuas kuv ?

44 Koj saib, thaum kuv hnov dheev koj lub suab foom kev kaj lug nrov txog kuv pob ntseg, tus me nyuam hauv kuv plab dhia zoo siab.

45 Tus tau ntseeg tias cov lus Huab Tais hais rau nws yuav tsheej xeeb, mas nws txoj hmoov zoo ! »

46 Ces Mab Liab hais tias : « Kuv tus plig cav txog Huab Tais lub hwj chim,

47 kuv lub tswv yim hom khaj nyob hauv Tswv Ntuj, tus Cawm kuv,

48 vim nws dauv muag ntsia nws tus ntxhais txib hauv txheej qis. Vim li ntawd, txij no mus, txhua tiam neeg yuav
hais tias kuv txoj hmoov zoo,

49 vim tus Muaj Hwj Huam ua tej yam loj rau kuv, nws lub npe Ntshiab.

50 Nws lub siab hlub roos cov neeg hwm nws tiam dhau tiam.

51 Nws sab npab nthuav nws lub zog rau sawv daws pom. Cov neeg uas lub siab muab hlob, Huab Tais ua kom
lawv tawg.

52 Huab Tais nchuav cov muaj hwj huam poob ntawm lawv lub theej kiab. Nws tsa cov neeg hauv txheej qis kom
siab.

53 Nws pub tej yam zoo rau cov neeg tshaib noj seem noj so, hos nws ntiab cov neeg muaj rov qab mus tes qhuav.

54 Huab Tais pab nws tus tub txib His Xas Lais, vim nws nco ntsoov tias nws lub siab hlub neeg,

55 nws ua raws li nws tau tshaj rau peb cov yawg koob, nws ua zoo tas nrho rau Has Nplas Has thiab Has Nplas Has cov xeeb ntxwv mus ib txhiab ib txhis. »

56 Mab Liab nrog Es Lis Xas Npes nyob peb lub hlis tej, ces nws rov mus tsev.

Huab Tais Pleev. Lub qab ntuj neeg cav txog koj.

Hnub chiv 19 ntawm lub caij nruab xyoo. Xyoo B

Par Aumônerie catholique Hmong de France

Peb muab cov zaj nyeem ntawm lub site AELF.ORG fab kis los rau peb cov ntseeg kom peb paub tias hnub chiv no peb yuav mloog Tswv Ntuj cov lus qhuab qhia

Zaj nyeem 1 :

Vah : Tshooj : 19 Nqe : 4 – 8

Lub ntsiab lus : Es Lis mus txog lub roob Hos Les.

4 Nws mus ib hnub ke nyob hauv teb chaws suab puam ntxiv. Nws thiaj mus so hauv ib tsob qab ntoo. Nws xav tuag, nws hais tias : « HUAB TAIS, kuv txom nyem txaus lawm ! Thov koj thau kuv txoj sia rov qab mas ! Vim kuv kuj tsis zoo dua kuv cov yawg koob ! »

5 Es Lias cia li tso cev pw pem teb ces nws tsaug zog. Tab sis ib tug Tshiab los tsa nws thiab hais rau nws tias :
« Sawv los noj mov. »

6 Es Lias rua muag ntsia, nws pom ib lub ncuav mov nyob saum cov pob zeb thiab pom ib plhuaj taub dej. Nws noj lub
ncuav mov thiab haus dej tas ces nws rov qab pw dua.

7 Tab sis HUAB TAIS tus Tshiab rov qab los tsa nws tias : « Sawv los noj mov ! Koj tseem tshuav ib ntus kev deb kawg. »

8 Es Lias thiaj sawv tsees los noj mov thiab haus dej tas ces nws rov muaj zog tuaj. Nws thiaj mus kev plaub caug hnub
thiab plaub caug hmo, ces nws mus txog Tswv Ntuj lub roob Hos Les.

Yog Tswv Ntuj Lo Lus. Nws Lub Txiaj Ntsim

Zaj nyeem 2 :

Es Fes Xos : Tshooj :4 Nqe : 30 – 5; 2

Lub ntsiab lus : Thaum peb coj tus yam ntxwv tsis zoo mas peb ua kom Leej Tswv Yim tu siab tuaj. Peb yuav coj tus yam ntxwv phim Tswv Ntuj cov me nyuam.

30 Nej txhob ua kom Tswv Ntuj Leej Ntuj Plig Ntshiab tu siab : vim nws muab nws lub thwj los ntaus cim rau nej, nws
hom nej cia hnub uas Ntuj txhiv neeg.

31 Tej kev hais lus iab siab, kev tsiv tsaim, kev npau taws, kev nthe, kev hais tub qaug : mas nej yuav muab rho pov
tseg tas huv tib si, nej yuav dawj tas puas tsav yam nkhaus pov tseg.

32 Nej sawv daws yuav rov sib ua zoo, sib hlub, nej yuav ib leeg zam rau ib leeg, ib yam li Tswv Ntuj zam rau nej nyob
hauv Leej Pleev.

1 Nej yuav yoog raws li Huab Tais, xws li cov me nyuam zoo nyiam.

2 Nej yuav taug txoj kev nyiam, raws li Leej Pleev tus lwj lwm, uas nws nyiam peb, nws siv nws txoj sia los pab peb ;
nws rov muab nws cev xws li ib tug tsiaj hlawv txi Ntuj tsw qab mus rau Tswv Ntuj.

Yog Tswv Ntuj Lo Lus. Nws Lub Txiaj Ntsim

Ntawv moo zoo :

Zam : Tshooj : 6 Nqe : 41 – 51

Lub ntsiab lus : Kev ntseeg txog Yes Xus yog cov mov ntxiv zog rau peb lub siab. Tab sis yog thaum cov neeg nrhiav Yes Xus tiag, lawv thiaj hnov Yes Xus cov lus ntxiv zog rau lawv.

41 Cov Yus Das yws yws txog Yes Xus, vim nws hais tias : « Kuv yog cov mov nqes saum ntuj los. »

42 Lawv tseem hais tias : « Nws tsis yog Yes Xus, Yos Xes tus tub lod ? Peb tsis paub nws niam nws txiv lod ? Ua cas zaum no nws hais tias : Kuv nqes saum ntuj los ? »

43 Yes Xus teb rau lawv tias : « Nej txhob ua ke yws yws.

44 Tsis muaj leej twg tuaj cuag kuv tau, yog Leej Txiv uas xa kuv tuaj tsis rub nws los. Hos kuv, mas Hnub Kawg, kuv yuav tsa nws sawv rov qab los.

45 Cov Yaj Saub Phau Ntawv sau hais tias: « Tswv Ntuj yuav qhia sawv daws huv tib si. » Tus twg hnov Leej Txiv lub suab thiab txais nws lo lus qhia, mas tus ntawd tuaj cuag kuv.

46 Tsis muaj leej twg tau pom Leej Txiv. Tsuas yog tus tuaj ntawm Tswv
Ntuj tuaj thiaj tau pom Leej Txiv.

47 Kuv hais qhov muaj tseeb tiag rau nej : Tus ntseeg, nws muaj txoj sia nyob
mus li.

48 « Kuv yog cov mov muaj txoj sia.

49 Nej cov yawg koob tau noj cov mov mas nas hauv teb chaws suab puam, tabsis lawv tuag tas lawm. 50 Cov mov
nqes saum ntuj los yog zoo li no : tus noj cov mov no, nws tsis tuag.

51 Kuv yog cov mov muaj txoj sia nqes saum ntuj los. Leej twg noj cov mov no, nws yuav ciaj nyob mus li. Cov mov uas kuv yuav muab pub rau lub qab ntuj neeg noj kom lawv muaj txoj sia, yog kuv lub cev nqaij. »

Huab Tais Pleev. Lub qab ntuj neeg cav txog koj.

Hnub chiv 18 ntawm lub caij nruab xyoo. Xyoo B

Par Aumônerie catholique Hmong de France

Peb muab cov zaj nyeem ntawm lub site AELF.ORG fab kis los rau peb cov ntseeg kom peb paub tias hnub chiv no peb yuav mloog Tswv Ntuj cov lus qhuab qhia

Zaj nyeem 1 :

Kev Tsiv : Tshooj : 16 Nqe : 2 – 4 : 12 – 15

Lub ntsiab lus : Cov His Xas Lais tsis tso siab rau Tswv Ntuj. Tswv Ntuj ua siab ntev rau lawv, nws ua hwj huam yees ntxwv pab lawv ntau zaus.

2 Tas tsoom tub ki His Xas Lais cem cem yws yws rau Mais Xes thiab As Loos nkawd nyob hauv teb chaws suab puam.

3 Cov His Xas Lais hais rau nkawd tias : « Kheev lam HUAB TAIS txhais tes tua kom peb tuag tas nyob Hais Nkws Tos
teb, thaum peb zaum ncig tej niag lauj kaub nqaij thiab peb muaj mov noj tsau plab npo mas ! Peb paub tseeb tias neb
coj peb los nyob hauv lub hav suab puam no kom peb sawv daws tuag tshaib tas xwb ! »

4 Ces HUAB TAIS hais rau Mais Xes tias : « Kuv yuav ua kom mov poob saum txheej ntuj saud los rau nej noj. Cov neeg yuav niaj tag kis tawm mus khaws kom txaus rau lawv noj hnub ntawd xwb, kuv xav sim lawv, kuv thiaj paub tias lawv puas mloog kuv txoj cai los tsis mloog.

12 « Kuv tau hnov cov His Xas Lais tej lus yws lus cem lawm. Koj hais cov lus no rau lawv : Thaum yuav tsaus ntuj, nej
yuav tau nqaij noj, thaum kaj ntug, nej yuav tau mov noj kom tsau plab. Ces nej yuav paub tias kuv yog HUAB TAIS nej
tus Tswv Ntuj tiag. »

13 Thaum tsaus ntuj, muaj ib co yij ya tuaj tsaws puv thaj chaw lawv nyob, hos thaum sawv ntxov, muaj ib txheej lwg
dawb paug puv ib ncig thaj tsam lawv nyob.

14 Thaum cov lwg ntawd qhuav tas, ces txawm pom ib co hmoov mos mos, ua tsig daws, zoo li ib co te, nyob
saum npoo av suab puam.

15 Thaum cov His Xas Lais pom li ntawd, lawv sib nug zom zaws tias : « Cov ntawd yog dab tsi ? »
Vim lawv yeej tsis paub tias yog dab tsi tiag. Mais Xes hais rau lawv tias : « Cov ntawd, yog cov mov uas HUAB TAIS muab pub rau nej noj.

Yog Tswv Ntuj Lo Lus. Nws Lub Txiaj Ntsim

Zaj nyeem 2 :

Es Fes Xos : Tshooj :4 Nqe : 17; 20 – 24

Lub ntsiab lus : Peb kawm Yes Xus los lus, peb txais nws zaj tswv yim, uas txawv ntiaj teb neeg zaj tswv yim. Peb yuav phlis ua tus neeg tshiab.

17 Kuv xav hais rau nej, kuv xav taij nej nyob hauv Huab Tais, kom nej txhob coj ib tug yam ntxwv xws li cov neeg teev
dab. Cov teev dab, lawv nyob hauv zaj tswv yim tsis muaj qab hau.

20 Nej, mas nej tsis tau kawm tias Yes Xus zoo li ntawd.

21 Nej tau txais ib txoj kev, thiab ib co lus qhia raws nraim li qhov tseeb nyob hauv Yes Xus.

22 Yam li, nej yuav tso nej tus yam ntxwv thaud tseg, nej yuav hle nej tus qub neeg uas lwj zuj zus pov tseg, vim tus qub neeg ntshaw ntau yam tsis muaj nqis.

23 Nej tso nej lub siab qub pov tseg, nej cia zaj tswv yim tshiab los nyob hauv nruab siab.

24 Nej yuav hnav tus Neeg Tshiab : Ntuj tsim tus Neeg Tshiab ntawd raws li Huab Tais tus duab. Ntuj tsim nws nyob hauv txoj kev ncaj, kev ntshiab, thiab kev tseeb.

Yog Tswv Ntuj Lo Lus. Nws Lub Txiaj Ntsim

Ntawv moo zoo :

Zam : Tshooj : 6 Nqe : 24 – 35

Lub ntsiab lus : Yes Xus yog cov mov nqes saum ntuj los. Peb yuav noj Yes Xus, noj Yes Xus cov lus, noj Yes Xus tus piv txwv. Cov tsis kam txais Yes Xus hauv nruab siab mas lawv tsis muaj Ntuj txoj sia.

24 Tab sis tsoom neeg pom tias Yes Xus tsis nyob ntawd lawm, nws cov thwj tim kuj tsis nyob lawm thiab, ces lawv nce
mus hauv cov nkoj ntawd, lawv mus nrhiav Yes Xus tim Kas Fas Naus.

25 Lawv tuaj nrhiav tau Yes Xus rau sab ntug dej tid, lawv hais rau nws tias : « Las Npis, thaum twg koj tuaj ntawm no
lawm ? »

26 Yes Xus teb rau lawv tias : « Kuv hais qhov tseeb tiag rau nej : Nej nrhiav kuv, tsis yog vim nej tau pom ib co cim, yog vim nej tau noj cov ncuav mov tsau nej plab.

27 Nej txhob ua hauj lwm nrhiav cov txhiam xws txawj ploj. Nej ua hauj lwm nrhiav cov txhiam xws pub txoj sia nyob mus li. Cov txhiam xws ntawd yog cov uas Neeg Leej Tub yuav pub rau nej. Vim nws yog tus uas Leej Txiv Tswv Ntuj ntaus thwj rau. »

28 Lawv hais rau Yes Xus tias : « Peb yuav ua dab tsi, peb thiaj ua tau Tswv Ntuj cov hauj lwm ? »

29 Yes Xus teb rau lawv hais tias : « Tswv Ntuj txoj hauj lwm yog zoo li no : Kom nej ntseeg txog tus nws xa tuaj. »

30 Lawv hais rau Yes Xus tias : « Koj yuav ua lub cim dab tsi rau peb pom, kom peb ntseeg koj ? Koj ua hauj
lwm dab tsi ?

31 Peb cov yawg koob noj cov mov mas nas nyob teb chaws suab puam, raws li cov lus sau cia hais tias :
« Nws pub cov mov tuaj saum ntuj tuaj rau lawv noj. »

32 Yes Xus thiaj hais rau lawv tias : « Kuv hais qhov tseeb tiag rau nej : Tsis yog Mais Xes pub cov mov tuaj saum
ntuj tuaj rau nej, yog kuv Txiv pub rau nej. Cov mov tuaj saum ntuj tuaj yog tseem mov.

33 Vim Tswv Ntuj cov mov yog cov mov nqes saum ntuj los, yog cov mov pub txoj sia rau lub qab ntuj neeg. »

34 Lawv thiaj hais rau Yes Xus tias : « Huab Tais, thov koj pub cov mov ntawd rau peb noj mus li. »

35 Yes Xus hais rau lawv tias : « Kuv yog cov mov muaj txoj sia. Tus tuaj cuag kuv nws yuav tsis tshaib, tus ntseeg txog kuv nws yuav tsis nqhis ib zaug li.

Huab Tais Pleev. Lub qab ntuj neeg cav txog koj.