Catégorie

Vous trouverez ci-dessous les articles de la catégorie que vous avez sélectionné

Archives de catégorie Orléans

Lus txhawb siab quas lub xyoo laus mus !!

Txog rau nej sawv daws,

Peb tus Huab Tais Tswv Ntuj nws nco ntsoov txog peb nyob hauv nws lub siab zoo nws txoj kev hlub thiab tsis tsa meej mom.

Thov kom nws tshuab txoj sia kom peb muaj lub zog ntseeg khov ntseeg ruaj nyob hauv peb txoj kev ua neej nyob ntiaj teb no.

Xyoo tshiab no thov kom nws dauv muag los ntsia los hlub peb txhua leej txhua tus, kom peb muaj kev sib pab sib fim sib txhawb tswv yim nrog peb tej phooj ywg tej txheeb ze thiab nrog

Peb lub koom txoos kev ntseeg, nrog rau txhua tus peb yuav los ntsib tom ntej no.

Lub hauv paus koom cuab kev ntseeg Hmoob Fab Kis Teb, thov kom nej sawv daws tsuas ntsib txoj kev noj qab haus huv nrog lub sij hawm cov hmoov xaus lub xyoo no thiab kom Huab Tais Tswv Ntuj lub hwj huam kev hlub muaj puv npo los rau nej txhua leej txhua tus. 

AMEN

Tshaj moo qaij qaug nyob Orléans

YAJ Txawj Tuam

Tshaj tawm rau peb ib tsoom ntseeg sawv daws paub tias YAJ Txawj Tuam nyob lus zos Darvoy (Orléans – Loiret) tau tas sim neeg hnub tim 21/08/2024 Nws muaj li 68 xyoo.

Tsev xyom cuab yuav npaj nws lub pag lub xau rau lub week-end 07/09/2024 rau 08/09/2024 tuaj no

Auberge de Villechaume

45 Rue de Villechaume

45240 SENNELY

Samedi 07 Septembre 2024

Dimanche 08 Septembre 2024

10H00 : Teev saw Mab Liab pem Auberge de Villechaume

20H00 : Teev Ntuj hmo kawg pem Auberge de Villechaume

Lundi 09 Septembre 2024

10H00 :  Teev ntuj hauv tsev teev ntuj nyob Darvoy,

coj tus qauv mus sam sab rau tim lub cimetière nyob Darvoy

.

Peb ib tsoom ntseeg pab thov ntuj rau tsev xyom cuab thiab rau YAJ Txawj Tuam tus ntsuj plig.

Tshaj moo qaij qaug nyob Orléans

Niam TSAB Tswv Lauj

Tshaj tawm rau peb ib tsoom ntseeg sawv daws paub tias Niam TSAB Tswv Lauj yug hnub tim 04/02/1933 nyob Luang Prabang nyob Nplog teb, tau tas sim neeg hnub tim 23/06/2024 Nws muaj li 91 xyoo.

Tsev xyom cuab yuav npaj nws lub pag lub xau rau lub week-end 06/07/2024 rau 07/07/2024 tuaj no

Espace Gérard Dumard

Rue du Lièvre d’Or

45530 Baule

Samedi 06 Juillet 2024

10H00 :  Tos txais tus qauv

20H30 :  Pib kab ke xa plig

Dimanche 07 Juillet 2024

11H00 : Teev ntuj

14H30 : Teev saw Mab Liab

Lundi 08 Juillet 2024

10H00 :  Teev ntuj hauv tsev teev ntuj Notre-Dame de Semoy

Rue du bourg

45400 Semoy

11H30 :  coj tus qauv mus sam sab rau tim lub cimetière nyob Semoy

45400 Semoy

Peb ib tsoom ntseeg pab thov ntuj rau tsev xyom cuab thiab rau niam TSAB Tswv Lauj tus ntsuj plig.

Lub hmoov nthuav tawm txog Txiv Plig Nyiaj Pov

Lub koom Cuab Kev Ntseeg Hmoob Fab Kis Teb, nrog rau txhua cov tiam lis xeev thov caw nej sawv daws tuaj koom lub hmoov nthuav tawm txog Txiv Plig Nyiaj Pov thiab cov Hmoob nyob hauv txoj kev ntseeg. Tuaj koom thiaj li hnov thiab pom, thiab li yuav 

paub txog kev sib qhia thiab sib fim !

caij thiab chaw : hnub tim 7-8 lub 9 hli 2024 thiab hnub tim 14-15 lub 9 hli 2024  nyob hauv lub tsev teev ntuj St Aignan hauv Orléans ( Loiret )

  Vim li cas ho npaj lub hmoov ntawd ? : 

Peb yuav los nthuav tawm txog ntawm txiv plig Nyiaj Pov uas peb nco hawm txog nws vim nws tseg tau ib txoj koom hmoov rau peb : yog tus niam ntawv Hmoob.

Peb nco txog nws lub neej hlub peb haiv Hmoob nyob hauv txoj kev ntseeg.

Peb yuav nthuav txog Hmoob keeb kwm thiab Hmoob txuj ci.

Npaj lub hmoov no nyob hauv lub tsev teev ntuj St Aignan (Orléans / Loiret ) nws txhais tau tias peb Hmoob xav qhib siab koom nrog lwm leej 

lwm tus thiab tsis tas li, peb Hmoob kuj los txhawb txog cov dej num hauv kev ntseeg nyob rau lub diocèse Orléans.

                      Rau leej twg ? : 

Rau txhua leej txhua tus, tsis hais tus hlob tus yau, tus laus tus hluas. Los txhawb kom cov hluas Hmoob paub txog keeb kwm thiab lub luag hauj lwm tshaj ntuj lus rau peb haiv Hmoob. 

Los txhawb rau lwm haiv neeg ( lwm cov koom txoos ntseeg, cov neeg ncig teb chaws, cov nyob lub xeev Loiret, etc ) kom lawv paub txog Hmoob lub neej nyob rau Fab Kis Teb.