Catégorie

Vous trouverez ci-dessous les articles de la catégorie que vous avez sélectionné

Archives de catégorie Ua hauj lwm

Txiv Plig Georges LAUDIN tas sim neej

Par Txhiaj-Vam Thoj

Décès du Père Goerges LAUDIN (tshaj tawm hnub 25/04/2022)

Cov Txiv Plig Oblats de Marie Immaculée tshaj xov rau peb tsoom ntseeg hais tias Txiv Plig Georges Laudin, uas tau nrog Txiv Plig Cwj Vuam Chiv (Père Antoine YANG) ua txoj hauj lwm pab cov ntseeg nyob Guyane, tau tas sim neej hnub 20 mus rau 21 lub 4 hli ntuj nyob Fontenay-sous- Bois. Hauv qab no, tus Txiv Plig saib lawv cov Oblats qhia txog T.P. Georges LAUDIN lub neej :
https://www.omiworld.org/fr/2018/11/28/un-appel-missionnaire-aux-oblats-la-guyane-francaise/

Les Pères missionnaires Oblats de Marie Immaculée nous ont annoncé la triste nouvelle du décès du père Georges Laudin, survenue la nuit du mercredi 20 au jeudi 21 avril 2022, à Fontenay-sous-Bois. Le Père Georges Laudin a notamment travaillé avec le Père Antoine YANG (TP Cwj Vuam Chiv YAJ) en Guyane. Ci-dessous un article du Provincial des OMI, qui évoque brièvement le travail de père Georges Laudin :
https://www.omiworld.org/fr/2018/11/28/un-appel-missionnaire-aux-oblats-la-guyane-francaise/

Hnub chiv 8 ntawm lub caij nruab xyoo. Xyoo C

Par Ntsuab-Rwg Thoj

Peb muab cov zaj nyeem ntawm lub site AELF.ORG fab kis los rau peb co ntseeg kom peb paub tias hnub chiv no peb yuav mloog Tswv Ntuj cov lus qhuab qhia

Zaj nyeem 1 :

Npes Xos Las : Tshooj : 27 Nqe : 4 – 7

Lub ntsiab lus : Neeg cov lus ua kom paub neeg lub siab.

4 Thaum yus xuas vab tshaus los tshau, mas tshuav tej yam tsis huv nyob hauv lub vab. Yog yus tshau neeg
cov lus, yus kuj pom muaj tej yam tsis zoo.

5 Tus puab lauj kaub thiaj sim nws cov lauj kaub nyob hauv qhov txos. Luag kuj tsom tau tib neeg lub siab nyob hauv tib neeg cov lus tham.

6 Ib tsob ntoo cov txiv qhia yus kom paub tias lub vaj puas yog ib lub vaj zoo los tsis zoo. Tib neeg cov lus kuj qhia tias tib neeg lub siab puas zoo los tsis zoo.

7 Tus neeg twg tseem tsis tau hais lus mas koj txhob cav lus zoo txog nws, vim lub chaw tsom tib neeg yog nws cov lus.

Yog Tswv Ntuj Lo Lus. Nws Lub Txiaj Ntsim

Zaj nyeem 2 :

Kos Lis Nthos : Tshooj : 15 Nqe : 54 – 58

Lub ntsiab lus : Yuav sawv rov los zoo li cas ?

54 Thaum lub cev txawj lwj no plhis tau rau lub tsis txawj lwj lawm, thaum lub cev txawj tuag no plhis tau ua lub tsis
txawj tuag lawm, mas yuav muaj raws li lo lus nyob hauv Ntawv hais tias : “Txoj kev yeej rhuav txoj kev tuag tog rau
hauv qab thu lawm.

55 Kev tuag, koj txoj kev yeej nyob qhov twg ? Kev tuag, koj rab hmuv nyob qhov twg ?”

56 Kev tuag rab hmuv yog kev txhaum. Kev txhaum lub zog yog Txoj Cai.

57 Peb ua Tswv Ntuj tsaug, vim nws pub kev yeej rau peb, nyob hauv peb tus Huab Tais Yes Xus Pleev.

58 Kuv cov kwv tij zoo nyiam, nej ua siab khov siab ruaj mog, kom nej tsuas muaj zoo zuj zus nyob hauv Huab Tais
lub luag hauj lwm, vim nej paub tias nej tsis nkim zog dag ua hauj lwm nyob hauv Huab Tais.

Yog Tswv Ntuj Lo Lus. Nws Lub Txiaj Ntsim

Ntawv moo zoo :

Lus Kas : Tshooj : 6 Nqe : 39 – 45

Lub ntsiab lus : Txhob txiav txim. Tsob ntoo thiab nws cov txiv.

39 Yes Xus hais dua ib zag paj lug li no : « Ib tug dig muag puas coj tau lwm tus dig muag kev ? Nkawd ob leeg yuav tsis
ua ke mus poob qhov lod ?

40 Tus thwj tim tsis loj dua nws tus xib hwb. Tus thwj tim uas kawm tiav tas, nws tsuas kawg luaj nws tus xib hwb.

41 Vim li cas koj ntsia tus quav nplej uas nyob hauv koj tus kwv lub qhov muag ? Hos tus nqaj uas nyob hauv koj lub qhov muag, koj ho tsis pom !

42 Ua cas koj thiaj hais rau koj tus kwv tias : ‘Kwv ntxawg, koj cia kuv rho tus quav nplej hauv koj qhov muag pov tseg’, hos koj twb tsis pom tus nqaj hauv koj qhov muag. Neeg zoo nraum daim tawv, koj rho tus nqaj hauv koj qhov muag pov tseg tso ; koj thiaj yuav pom kev dig tus quav nplej hauv koj tus kwv lub qhov muag.

43 « Tsis muaj ib tsob ntoo zoo nkauj yuav txi ib co txiv lwj, tsis muaj ib tsob ntoo lwj yuav txi ib co txiv zoo nkauj.

44 Xav paub tsob ntoo, mas yuav ntsia nws lub txiv : luag tsis de txiv ncuav pias saum tej pos kaus ntsaj, luag tsis de txiv cawv saum ib tsob txiv pos tshauv.

45 Tus neeg zoo, rho tej yam zoo tawm hauv nws lub siab los. Tus neeg phem rho tej yam phem tawm hauv nws lub
siab los. Vim tias yam uas lub ncauj hais tawm, yog phwj hauv lub siab tuaj

Huab Tais Pleev. Lub qab ntuj neeg cav txog koj.

Nco txog Phauj Xis Soeur Carmen CHAPDELAINE lub neej thiab nws txoj kev pab peb cov Hmoob

Par Txhiaj-Vam Thoj

Reconnaissance et hommage à Soeur Carmen CHAPDELAINE Phauj Xis (publié le 25/02/2022)

Biographie de Soeur Carmen CHAPDELAINE – Nco txog Phauj Xis lub neej (biographie extraite du livre « En chemin avec le peuple Hmong » du Père René CHARRIER)

Carmen CHAPDELAINE Phauj Xis yog ib tug phauj tuaj nrog Hmoob nyob Los Tsuas Teb tau 13 xyoo. Nws txoj hauj lwm mas yog npaj cov ntxhais hluas Hmoob kom lawv tau mus kawm ntawv thiab nws qhia Ntuj kev cai kom yav tom ntej :

  • muaj cov ntxhais hluas Hmoob paub zoo txog Ntuj txoj kev ntseeg thiab tau rov mus qhia rau cov tseem nyob zos Hmoob pem roob
  • hais tawm tias cov ntxhais los yeej kawm ntawv tau ib yam li cov tub
  • muaj cov ntxhais hluas Hmoob taug txoj kev ntseeg mus ua phauj

Nws tau sau ntawv tseg li no :
« Xyoo 1959, kuv tau noog cov saib peb cov phauj kom lawv xa kuv mus ua hauj hauj lwm nyob lwm lub teb chaws. Xyoo 1961, lawv noog saib kuv pus kam mus Los Tsuas Teb. Kuv kuj tau kam tiam sis kuv txhawj zog vim hais tias muaj tsov rog nyob Los Tsuas Teb. Hnub 9 lub 12 hli xyoo 1961, kuv thiaj li mus txog Los Tsuas Teb. Kuv tau kawm lus Nplog tau 6 hli. Thaum lub 5 hli ntuj, kuv qhia ntawv rau 3 tug ntxhais hluas uas yog Dia, Tia, Mo. Xyoo 1962, tus Txiv Plig loj saib peb cov phauj tuaj xyuas peb nyob Los Tsuas Teb. Nws kam kuv kawm lus Hmoob thiab kam kuv pab cov ntxhais Hmoob.
Txiv Plig Nyiaj Pov (Yves Bertrais) pib qhia lus Hmoob rau kuv. Ces Txiv Plig Nyiaj Pov thiab peb tug ntxhais hlob tau muab kuv tis lub npe Hmoob hu ua : Phauj Xis (« Tante Aimée »). Lawv qab, kuv tau tsiv mus nyob lub tsev tis npe hu ua : « Foyer Nong Bone ». Nyob ntawm lub tsev tshiab, kuj muaj tshaj li 12 tug ntxhais nyob tos kuv. Xyoo ntawd, yog thawj zaug kuv tau mus xyuas ib lub zos Hmoob nyob Sayaboury. Kuv niaj hnub qhia ntawv rau cov ntxhais Hmoob nyob Nong Bone.

Txij xyoo 1964-1965, mas cov ntxhais coob zuj zus tuaj, ces tsis muaj chaw pw txaus lawm. Ces peb tau xyuas npaj ua ib lus tsev tshiab nyob ib sab ntawm lub tsev noj mov. Peb kuj npaj ua ib lub tsev noj mov tshiab thiab. Txiv Plig Lynde muab nyiaj pab peb ua lub tsev, thaum tsa tsev tiav, peb kuj muaj 2 lub tsev loj txais tau tshaj ntawm 40 leej. Cov ntxhais coob zuj zus tuaj, chaw siv loj zus zus tuaj, ces yuav tau nrhiav nyiaj txiag kom txaus. Kuj muaj coob tus pab thiab :
1.L’Evêque de Vientiane.
2.La congrégation pour l’Evangélisation.
3.Les catholiques Américains (par le Père Bouchard).
4.Mon père vend un terrain pour m’aider.
5.La sœur du Père Bertrais qui est sœur Thérèse.
6.Les Oblates Canadiennes.
7.Je fais la quête au Canada dans les Eglises.
8.Les jeunes filles Hmong font des broderies.
9.Un groupe de dames en Autriche.
10.Des femmes américaines.
Vim muaj coob tus pab, peb thiaj li ua tau ntau yam. Kuv tsis tshua khees tham txog cov lus no, tiam sis zaum no yog lub caij tshaj tawm kom sawv daws paub. Txij xyoo 1965, tseem tshuav cov ntxhais yau los cov ntxhais hnub nyoog loj lawm nyob cov zos Hmoob tseem tsis tau txawj nyeem ntawv. Cov Hmoob muaj mob los, coob tus kuj tuaj kho mob nyob Vientiane. Kuv tau coj ib co mus kho ntawm cov Fab Kis vim lawm tsis paub lus Fab Kis. Cov ntxhais hluas lawv kuj tau mus xyuas cov neeg raug mob raug nkeeg hauv cov tsev kho mob, tau nqa zaub mov, nqa khaub ncaws mus rau lawv los tau mus txhais lus.
Xyoo 1967, kuv rov los 2 los 3 hli tim Canada teb. Tiam sis tau 3 vas thiv xwb ces kuv raug mob ntawm cov pob txha sab nraub qaum vim ua tsheb sib nraus. Xyoo 1968, kuv rov qab mus Los Tsuas Teb, rov los ua hauj lwm nyob Nong Bone. Txij xyoo 1969 mus rau xyoo 1975, yav sawv ntxov peb qhia xaws khob ncaws, ces yav tav su, peb qhia ntuj kev cai rau cov Xib Hwb Hmoob cov poj niam.
Lub 3 hli ntuj 1971, kuv rov los Canada, ces lub 9 hli ntuj kuv rov mus ua kuv txoj hauj lwm txog xyoo 1975.
1975 yog xyoo uas teb chaws Los Tsuas tawg, cov ntxhais lawv rov mus tsev. Kuj muaj ib co lawv hla tus dej Mekong mus Thaib Tab. Kuv nyob Nong Bone thiab ntsaig cov khoom, cov tsis zoo siv ces kuv tau hlawv ib co pov tseg, cov tseem zoo siv ces kuv muab pub rau lub tsev kho mob Sisavang Von. Cov nom tswv tshiab tsis kam kuv nyob Los Tsuas Teb ces kuv tau khiav lub 8 hli ntuj 1975. Kuv mus nyob Thaib Teb, nyob lub nroog Chiang Mai. Nrog kuv, muaj zoo li 2 los 3 tug ntxhais hluas Hmoob. Tiam sis tsis yooj yim, vim nom tswv tsis kam ua ntawv rau peb nyob Thaib Teb ces peb tau mus ua ntawv lwm qhov chaw kom tau nyob Thaib Teb. Cov ntxhais los lawv kuj muaj txoj kev txhawj vim lawv tsis hnov moo txog lawv cov txheeb ze nyob Los Tsuas Teb, ces lawv txhawj siab kawg li. Lub 3 hli xyoo 1976, kuv rov los nyob Canada.
Kuv nyob tau 13 xyoo nrog cov ntxhais Hmoob mas lawv tau qhia ntau yam rau kuv. Kuv ua lawv tsaug ntau vim lawv tau tso siab rau kuv. Kuv nco txog cov ntxhais ua peb tau nyob ua ke ntau xyoo, tau sib pab sib qhia. Kuv nco ntsoov 3 tug ntxhais hlob Dia, Mo thiab Rhia, vim tsis muaj lawv kuv yuav ua tsis tau kuv txoj hauj lwm. Kuv ua Ntuj tsaug vim peb tau rov qab sib ntsib. Kuv pom hais tias nej ua tau nej lub neej zoo lawm. »

Hommage-a-Phauj-Xis-1

Au-revoir-Phauj-Xis-1

THANK YOU – MERCI – UA TSAUG

We are thankful to Phauj Xis’ family for their kindness and many blessings to allow us to attend her last moment on earth. She has been a “jewellery Mother” for so many of Hmong Girls in the 60’s to prepare their unknown future for the 21st Century. And now, they know who they are because of her love, faith and sacrifices.

Family coordinator : Kia Thao
Prayer coordinators : Chong Thao Ly & Pa Yang
Prayer book & printing : Xia Vue Yang
Donation manager : Ted V. Thao
Member coordinators : Xyo Suzane Vang, Chong Thao Ly
Visiting members : Xa Lee, Chong Koua Yang, Deu Lo Yang, Cha Ly, Doua Her

Phauj Xis lub ntees

Par Txhiaj-Vam Thoj

Funérailles de Soeur Carmen CHAPDELAINE au Canada (publié le 23/02/2022)

Qhia rau peb tsoom ntseeg nyob Fab Kis Teb hais tias yuav ua Phauj Xis Soeur Carmen CHAPDELAINE lub ntees nyob Canada hnub 07/03/2022. Lawv tso nws lub cev nyob lub tsev : Coopérative Funéraire de l’Estrie, 485, rue du 24-Juin, Sherbrooke, Québec, J1E 1H1, CANADA thiab tso cai pub xyuas nws lub cev thaum 11h00 sawv ntxov mus txog 14h00 tav su, ces mam li teev Ntuj lawv qab. Lub koom cuab tsev Aumônerie tau xas ib tsab ntawv rau cov xeev ntuj coj tsoom ntseeg nyob Fab Kis Teb. Peb sawv daws ua ke thov ntuj rau Phauj Xis.

Les funérailles de Soeur Carmen CHAPDELAINE Phauj Xis se dérouleront le lundi 7 mars 2022 au Canada. Les visites seront possibles ce jour-là de 11h00 du matin à 14h00 de l’après-midi à l’adresse : Coopérative Funéraire de l’Estrie, 485, rue du 24-Juin, Sherbrooke, Québec, J1E 1H1, CANADA. La messe aura lieu après les visites à partir de 14h00. Un courrier d’information a été adressé en début de semaine par l’Aumônerie aux délégués des régions de France. Prions ensemble pour le repos de Soeur Carmen.

Lien pour les informations utiles :

https://www.coopfuneraireestrie.com/avis-de-deces/carmen-chapdelaine-208114/

Phauj Xis Soeur Carmen CHAPDELAINE tau tso peb tseg hnub 14/02/2022

Par Txhiaj-Vam Thoj

Décès de Soeur Carmen CHAPDELAINE le 14/02/2022 (mis à jour le 22/02/2022)

Tshaj tawm rau peb sawv daws paub hais tias Phauj Xis Soeur Carmen CHAPDELAINE nyob Canada tau tas sim neej hnub 14/02/2022. Phauj Xis tau nrog cov Txiv Plig pab thiab xyuas cov ntxhais Hmoob nyob Los Tsuas Teb ua ntej lub teb chaws tawg. Peb sawv daws ua ke thov Tswv Ntuj kom hlub Phauj Xis thiab nws tsev neeg.

C’est avec une grande tristesse que nous apprenons le décès de Soeur Carmen CHAPDELAINE Phauj Xis au Canada le 14 février 2022. Soeur Carmen a accompagné les jeunes filles Hmong du temps des missionnaires au Laos. Unissons-nous dans la prière et demandons au Christ sa miséricorde pour que Soeur Carmen repose dans la Paix et la Lumière de Dieu.

Ci-dessous le lien vers les informations et l’avis de décès :

https://www.coopfuneraireestrie.com/avis-de-deces/carmen-chapdelaine-208114/

Hnub chiv 4 ntawm lub caij nruab xyoo. Xyoo C

Par Ntsuab-Rwg Thoj

Peb muab cov zaj nyeem ntawm lub site AELF.ORG fab kis los rau peb co ntseeg kom peb paub tias hnub chiv no peb yuav mloog Tswv Ntuj cov lus qhuab qhia

Zaj nyeem 1 :

Yes Les Mias : Tshooj : 1 Nqe : 4 – 5. 17 – 19

Lub ntsiab lus : Tswv Ntuj hu Yes Les Mias ua Yaj Saub.

4 HUAB TAIS hais rau kuv li no:

5 « Thaum koj tseem tsis tau xeeb hauv koj niam plab, kuv twb paub koj lawm. Koj tseem tsis tau tawm hauv koj niam
lub plab los, kuv twb xaiv koj, kuv twb tsa koj ua tus Yaj Saub qhia cov kuj cuab. »

17 Koj sia koj duav khov. Koj sawv tsees mas ! Koj yuav hais txhua yam kuv qhia koj hais no rau lawv. Koj tsis txhob tshee nyob ntawm sawv daws xub ntiag. Yog koj tshee mas kuv yuav ua kom koj tshee nyob ntawm lawv xub ntiag.

18 Koj saib : hnub no kuv muab koj los ua ib lub tsheej xov ntsa zeb, ua ib tug ncej hlau, ua ib lub phab ntsa tooj tiv tas
lub teb chaws, tiv cov vaj Yus Das, tiv cov nom tswv nyob Yus Das teb, tiv cov Leej Choj thiab tiv tsoom pej xeem huv
tib si nyob hauv lub teb chaws.

19 Lawv yuav nrog koj sib ntaus rog, tab sis lawv yuav tsis yeej koj, vim kuv nrog koj nyob, kuv npo koj. Yog HUAB TAIS lo lus ceeb toom.

Yog Tswv Ntuj Lo Lus. Nws Lub Txiaj Ntsim

Zaj nyeem 2 :

Kos Lis Nthos : Tshooj : 12 Nqe : 31 13. 13

Lub ntsiab lus : Muaj tej yam txiaj ntsim zoo dua cov. Kev nyiam tseem zoo tshaj.

31 Nej yuav nrhiav cov txiaj ntsim muaj nqis dua cov. Thiab kuv yuav qhia ib txog kev zoo tshaj cov txiaj ntsim ntawd
tib si.

13 Nyem no, txoj kev ntseeg, txoj kev tso siab, thiab txoj kev nyiam tseem muaj nyob ua peb txog kev. Tiam sis, qhov loj tshaj mas yog txoj kev nyiam.

Yog Tswv Ntuj Lo Lus. Nws Lub Txiaj Ntsim

los nyeem zaj no :

Kos Lis Nthos : Tshooj : 13 Nqe : 4 – 13

Lub ntsiab lus : Muaj tej yam ntsim zoo dua cov. Kev nyiam tseem zoo tshaj.

4 Lub siab nyiam txawj ua siab ntev, ua siab sib, tsis txawj khib, tsis khav theeb, tsis muab hlob.

5 Lub siab nyiam tsis ua tub qaug luag, tsis nrhiav qhov zoo rau nws, tsis npau taws, tsis cib nyeej.

6 Lub siab nyiam tsis zoo siab pom luag tej ua tsis ncaj, nws xav pom luag tej nrhiav qhov tseeb.

7 Lub siab nyiam zam rau sawv daws, nws ntseeg sawv daws, nws tso siab rau sawv daws, nws ua siab ntev
ris tas puas tsav yam nyuaj.

8 Txoj kev nyiam tsis txawj dua ib zaug. Txoj kev ua Yaj Saub yuav ploj. Muaj ib hnub twg, cov neeg txawj txhais tej xeem lus txawv yuav nyob ntsiag to. Txoj kev txawj kev ntse kuj yuav dua.

9 Vim tias, txuj ci, peb tsuas paub ib feem xwb.

10 Thaum txoj kev zoo txhij zoo txhua los txog, mas tej yam uas neeg ua tau ib feem me me yuav ploj tas huv tib si.

11 Thaum kuv tseem yau, kuv hais lus me nyuam yaus, kuv xav tswv yim li me nyuam yaus, kuv txawj xaiv xws li ib tug
me nyuam yaus. Thaum kuv hlob tiav lawm, kuv tso tej kev ua me nyuam yaus pov tseg.

12 Zaum no, peb pom tsis tseeb, peb tsuas pom zoo li nyob hauv ib daim tsom iav. Lwm tiam, peb yuav pom xyeem
ntawm qhov muag. Nyem no, kuv paub ib feem me me xwb. Fab lwm tiam, kuv yuav paub, ib yam li Ntuj paub kuv.

13 Nyem no, txoj kev ntseeg, txoj kev tso siab, thiab txoj kev nyiam tseem muaj nyob ua peb txog kev. Tiam sis, qhov loj tshaj mas yog txoj kev nyiam.

Yog Tswv Ntuj Lo Lus. Nws Lub Txiaj Ntsim

Ntawv moo zoo :

Lus Kas : Tshooj : 4 Nqe : 21 – 30

Lub ntsiab lus : Yes Xus rov mus Nas Xas Les.

21 Ces Yes Xus hais rau lawv tias : “Hnub no, cov lus nyob hauv zaj Ntawv no tsheej xeeb raws li nej tau hnov. »

22 Tas cov neeg ntawd zeem tseeb tias nws hais lus zoo, lawv qhuas cov lus muaj txiaj ntsim tawm hauv nws lub
ncauj los. Lawv hais tias : « Tus ntawd, tsis yog Yos Xes tus tub lod ? »

23 Ces Yes Xus hais rau lawv tias : « Paub ntsoov, nej yuav piv lus hais txog kuv tias : Kws kho mob, koj rov kho koj
mas ! Tas txhua yam uas luag piav tias tshwm sim nyob Kas Fas Naus, mas koj kuj ua ib yam li ntawd nyob hauv lub zos
koj hlob no thiab mas ! »

24 Yes Xus tseem hais ntxiv tias : « Kuv hais tseeb rau nej, tsis muaj ib tug yaj saub uas luag yuav txais nws zoo
hauv lub zos nws hlob.

25 Kuv hais tseeb rau nej : lub caij Es Lias nyob, muaj coob tus poj ntsuam nyob His Xas Lais
teb. Thaum ntuj kaw nag tau peb xyoos thiab rau hli, tas teb chaws tshaib plab loj kawg.

26 Tab sis Ntuj tsis xa Es Lias mus pab cov poj ntsuam His Xas Lais ib tug li. Ntuj xa Es Lias mus pab ib tug poj ntsuam nyob lub zos Xas Les Tas, nyob Xis Doos teb.

27 Lub caij tus yaj saub Es Lis Xais nyob, muaj coob tus mob ruas nyob His Xas Lais teb, tab sis tsis muaj ib tug mob ruas His Xas Lais rov huv, tsuas yog tus mob ruas Xis Lias hu ua Nas Maas thiaj rov huv. »

28 Tas cov neeg hauv lub tsev txoos hnov cov lus ntawd, mas lawv npau taws kawg.

29 Lawv sawv tsees, lawv ntiab Yes Xus tawm sab nroog nraud. Lawv coj Yes Xus mus txog ntawm ib phab toj
saum lub roob uas lawv txhim lub nroog, lawv yuav thawb Yes Xus kom poob lawm hauv lub qab toj ntxhab.

30 Tab sis Yes Xus hla plaws hauv nruab nrab lawv, nws taug nws kev mus lawm.

Huab Tais Pleev. Lub qab ntuj neeg cav txog koj.

Thaj txi ntuj foom hmoov rau lub tsev teev ntuj tim khawv THOJ Xyooj Paj Lug (sau hnub 13/01/2022)

Par Txhiaj-Vam Thoj

Hnub 11 lub 1 hlis ntuj xyoo 2022 thaum 10:00 teev yav sawv ntxov, tus Txiv Tswv Qhia Louis-Marie Ling Mangkhanekhoun tau ua thaj txi ntuj foom hmoov rau lub tsev teev ntuj tim khawv THOJ Xyooj Paj Lug tsa nyob qhov chaw Tiaj Ntxhw Tuag (Los Tsua Teb). Cov Txiv Plig thiab cov neeg ntseeg kuj tuaj coob kawg li. Nws muaj ib lo lus zoo siab ua tsaug rau sawv daws tau sib pab koom tes, yog ib txoj kev muab los piv tau hais tias txoj kev ntseeg nyob lub xeev Vees Cas muaj txoj sia loj kawg li. Lub koom cuab tsev Aumônerie des hmongs catholiques de France ua tsaug ntau rau nej txhua leej txhua tus tau koom pab tsa lub tsev teev ntuj thaum pib mus txog thaum tiav.

Messe de consécration de la chapelle du Bienheureux THOJ Xyooj Paul à Ban Namyard LAOS (publié le 13/11/2022)

Son Excellence Le Cardinal Louis-Marie Ling Mangkhanekhoun a célébré ce mardi 11 janvier 2022 à 10h00 du matin la messe de consécration de la Chapelle du Bienheureux THOJ Xyooj Paul à Ban Namyard (LAOS), accompagné de nombreux prêtres laotiens et de fidèles venus en nombre de différentes provinces du pays. Son Excellence remercie tous les donateurs : « Merci à toutes celles et ceux qui ont contribué au projet, votre participation au Vicariat Apostolique de Ventiane est un grand signe de la vitalité de la mission de l’Eglise du Laos ».

L’Aumônerie des hmongs catholiques de France remercie tous les donateurs pour ce magnifique projet qui a été mené jusqu’au bout.

Xom xwm qhia txog lub Tsev Teev Ntuj Tim Khawv THOJ Xyooj Paj Lug nyob Tiaj ntxhw tuag Los Tsuas Teb (sau hnub 09/01/2022)

Par Txhiaj-Vam Thoj

Xyoo 2022 tawm tshiab no, muaj lus zoo siab qhia rau sawv daws hais tias lub tsev teev ntuj tiv khawv THOJ Xyooj Paj Lug tsa tiav lawm. Lawv tsa tau zoo nkauj kawg, raws li cov duab lawv xa tshiab tuaj no. Tus Tswv Qhia Louis-Marie Ling Mangkhanekhoun yuav ua thaj txi ntuj loj foom hmoov rau lub tsev teev ntuj hnub 11 lub 1 hlis ntuj xyoo 2022 thaum 10h00 sawv ntxov thiab nws caw txhua leej txhua tus cov mus koom nrog lawv. Nws kuj muaj ib lo lus ua tsaug rau tsoom ntseeg tau sib koom tes pab lawv tsa lub tsev teev ntuj, yog ib txoj kev muab los piv tau hais tias txog kev ntseeg nyob lub xeev Vees Cas muaj txoj sia loj kawg li.

Nouvelles de la chapelle du Bienheureux THOJ Xyooj Paul à Ban Nayarm (publié le 09/01/2022)

Bonnes nouvelles en provenance du Laos pour ce début d’année 2022 : la construction de la chapelle du Bienheureux THOJ Xyooj Paul est terminée. Elle est tous simplement magnifique comme on peut le voir sur les récentes photos. Son Excellence le Cardinal Louis-Marie Ling Mangkhanekhoun va célébrer la messe de consécration de la chapelle ce mardi 11 janvier 2022 à 10h00 (am) et invite chacun d’entre nous. « Merci à toutes celles et ceux qui ont contribué au projet, votre participation au Vicariat Apostolique de Ventiane est un grand signe de la vitalité de la mission de l’Eglise du Laos » selon les remerciements de son Excellence Louis-Marie Ling Mangkhanekhoun.

La carte d’invitation pour la consécration – Daim ntawv caw koom thaj txi ntuj foom hmoov rau lub tsev teev ntuj

Xov xwm tshaj tawm txog lub Tsev teev ntuj tim khawv THOJ Xyooj Paj Lug tsa nyob Tiaj ntxhw tuag (sau hnub 04/12/2022)

Par Txhiaj-Vam Thoj

Txiv Plig John Vimanephet Indavong xa xov tuaj qhia hais tias Txiv Tswv Qhia Louis-Marie Ling Mangkhanekhoun thiab tsoom ntseeg nyob Tiaj ntxhw tuag lawv yuav npaj foom hmoov rau lub tsev teev ntuj hnub 11 lub 1 hli ntuj xyoo 2022 tuaj no. Lawv vam hais tias txawm tseem muaj tus kab mob Kov vim 19 los, cov hauj lwm yuav tiav rau hnub 11/01/2022 ntawv. Peb sawv daws nrog lawv thov ntuj kom Tswv Ntuj pub raws li lawv txoj kev vam thiab. Lub koom cuab tsev Aumônerie des Hmong de France ua tsaug rau nej txhua leej txhua tus tau pab yav tas los lawm thiab tshaj tawm hais tias yog leej twg xav pab ntxiv no los, sau ntawv rau aumonerie.hmong.france@gmail.com. Lawv qab hauv no yog cov duab tshiab.

Nouvelles de la chapelle du Bienheureux THOJ Xyooj Paul à Ban Nayarm (publié le 04/12/2021)

De très bonnes nouvelles nous arrivent du Laos : la construction progresse bien. Selon le Père John Vimanephet Indavong, l’inauguration et la bénédiction de la chapelle sont prévues pour le 11 janvier 2022, le cardinal Louis-Marie Ling Mangkhanekhoun ayant donné son accord pour la date. Tout le nécessaire sera fait pour que la chapelle soit terminée pour cette date. En attendant, avec nos frères du Laos, prions ensemble pour que la pandémie de Covid 19 ne vienne pas entraver la fin des travaux et la bénédiction prévue au mois de janvier. L’Aumônerie des Hmong de France remercie celles et ceux qui ont déjà contribué au projet et rappelle qu’il est toujours possible de participer en adressant un mail à l’adresse aumonerie.hmong.france@gmail.com. Ci-dessous les dernières photos de la chapelle.